EZEKIELA 43
43
Rengpa roiinpuina’n biakbuk a sip
1Kha zoiin chu dâi mikot nisua tianga ngha dâi mikota khan a ni hruaia, 2#Ezek 10.3-4,18-19; 11.22-23; Thup 1.15 khan, irngai ro, nisua tianga irthokin Israel Pathian roiinpuina chu a hong tung ta, khan arhâi khom tui tamtak ang a ni. Khanchu a roiinpuina khan hnuai kha an vârtira. 3Khanchu thil ki lei ihmuhai kha, khopui insiat hranga a hong laia ki lei ihmu kha Kebar vadunga ki lei ihmu ang kha a ni; khanchu ki hmâi leh hnuai ki sika. 4Khan dâi mikot nisua tianga ngha irthokin Rengpa roiinpuina chu a hong lûta. 5Irtha khan a nin dom irsângtira, irhuan sûng tualzôla khan a ni hruai inlûta, khan irngai ro, Rengpa roiinpuina khan in an siptira. 6Mi inkhat ki kôla a ngîr laitakin, in sûng ata mi inkhat hin ki kuang thu a hrilin kin hriata, 7keima kuang, “Mihriam nâipa, hi hi ki rêngtoihmun le ki ke irnghatna a ni, Israel irchihai laia kumkhontuanga ki omna hrang chu a ni. Israel insûng mihaiin ki’rhming irthiang chu porinchetir ta no nihaia, anni khomin an rênghai khom an hurna’n mani, an irbôlna haia, an rênghai mâk khomin porinchetir ta no nihai. 8An tualzôlhai chu ki tualzôla siain, an mikot khârhai chu ki mikot bula, anni le kin kâr chu bang vai a oma. Khan an intir omna an lei itho tâkhai khan ki’rhming irthiang an lei porinchetir tâka, khasikin ki milung hoi loina khan anni chu ki hâlirvôm paihaia. 9Atûn hin an hurna le an rênghai ruak#43.9: “Reng lungphun ti thei a ni”. chu keima irthokin hlataka sepaihai sianlân, anni laia kumtuangin om mai ta ki ti,” a tia.
10“Nang mihriam nâipa, Israel insûngkuahai laia khan in kha inentir ro, an sualnahai ata an inzak theina hrangin; khanchu an itûng kha irkhîtir roh. 11Khan an sintho murdihai kha an inzakpuia ni’n chu a itum le a hmêl irput dâna, a fena le a lûtna, a hmêl omziahai murdi khan khataka dânhai kha hrilin lân, an mithmu ngêta khan irziakin lân, kha an hmêl irput dân kha a om maia, a dânhai an zôm thei maina hrangin. 12Hi hi nin dân hrang chu ni a ti, tâng sîp chunga a ihuap za chu hmun Irthiang tak ni a ta; irngai ro, hihai hi nin dân chu ni a ti,” a tia.
Maichâm chu
13 #
Fes 27.1-2; 2 Tsn 4.1 Khan, hi hi mûka irkhi maichâm lian lam chu a ni, a zer chu mûk khat ni a ta, a khang khom mûk khat ngêt, a kôl chu ar hîla khâp khat ni a ti. Hi hi maichâm zer chu a ni. 14Khan hnuai a toina ata a kôl hnuaiinta ata kha mûk hni ni a ta, a khang tiang chu mûk khat, khan a kôl chîn ual ata a kôl lian ual ten kha mûk minli nih a ti, khan a khang tiang chu mûk khat. 15Maichâm an chung ual chu mûk minli ni a ta, maichâm inthûk le a chung tiang khan irki minli om a ta. 16Maichâm omna chu mûk sôm hleihnia sei mûk sôm hleihni nêka lian ni a ti, a sîr minlia khan irtiat nat a ti. 17A sîrhai minlia khan a ring chu mûk sôm hleiminlia sei, mûk sôm hleiminli nêka lian ni a ti; ar kual chu a rêngin mûk chimrip ni a ti; a zer tiang chu mûk khat ni a ta, a sirna kalbihai chu nisua tiang ngha a ti.
Maichâm thâr irthiang a ni thu
18 #
Fes 29.35-37
Khan, ki kuang a hrila, “Mihriam nâipa, Rengpa Pathianin hiang hin a ti: a chunga hâlirvôm thilinhlan an inhlanna thisen an in thei nî chu, hihai hi maichâm thuthung chu ni a ti. 19Levi mi ochaihai, Zadoka irchia mi ngêt kha, keima sintho hranga keima ni nâihai kuang khan sual thilinhlan hrangin sehrâtchal tuai pe ni ti, Rengpa Pathianin a ti. 20Khan kha thisen kha la ni ta, ar ki minli khan pol ni ta, a kôl irki minlia khom khan, a zera a sîrhai khom khan; khanchu irthiangtir ni ta, ama ta hrangin inhlanna siam ni ti. 21Sual thilinhlanna hrangin sehrâtchal la ni ta, kha hmun inthang sai irthiang tuala khan hâl ni ti. 22Khan sûn hnina nî khan sual thilinhlanna hranga khan kêlchal demnaboi inhlan ni ti. 23Khan irthiangtirna sin ni tho zoiin chu sehrâtchal demnaboi le a pâl laia belrachal demnaboi kha inhlan ni ti. 24Khan nangma’n Rengpa kuang hong hruai ni ta, ochaihaiin an lu chunga michi len thek an ta, khanchu Rengpa kuang pum hâlirvôm thilinhlan hrangin inhlan an ti. 25Sûn sari sûng chu a ni tin, sual thilinhlan hrangin kêl ngaitua ni ta, khan sehrâtchal tuai le kêlbelrachal a pâl laia demnaboi zong sa ni ti. 26Sûn sari sûng chu maichâm tah hrang khan irhlanna siam pe an ta, irthiangtir an ti, khanchu inhlan irthiang ta an ti. 27Khan sûnhai a hong hek tena chu, sûn riat nia irthokin ochaihai khan hâlirvôm thilinhlanhai chu maichâma khan tho an ta, irngeina thilinhlanhai leh khan; khanchu lei lôm ta ki ta, Rengpa Pathianin a ti,” tiin.
Currently Selected:
EZEKIELA 43: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
