2 RÊNGHAI 25
25
Jerusalem siatna thu
(2 Tsn 36.13-21; Jer 52.3-11)
1 #
Jer 21.1-10; 34.1-5; Ezek 24.2 Zedekia chu Babulon rêng kôl ata a’rhela; khanchu Zedekia kum kuak an lal kuma tha kuakna sûn sôm niin, Nebukadnezara chu a sipaihai leh an honga, Jerusalem an hong rûna an khuaa dâi kôla hmun an khuara, bang an irkul vinga. 2Zedekia inlal kum sômhleikhatna dênin an irhuala. 3Kha kuma tha minlina sûn kuak nî chu an khua khom châm a sate’n a tâka, tûte fâk hrang nei ta mahaia. 4#Ezek 33.21 Khua an irkulna bang chu an inseta, Babulon haiin irhualhai khomsian sipai le rênghai zâna an suak tâka. Reng irhuan kôla an fea, kulbang inhni kâra mikota an suaka, Jordan tui panin an intân tâka. 5Babulon sipaiin rêng Zedekia chu an irzûla Jeriko kôla phâirama an chela, a sipaihaiin an rotsan vinga. 6Zedekia chu Ribla khua Nebukadnezara makunga an hruaia, a chungthu a lei rêl pe zôia. 7#Ezek 12.13 Zedekia mithmua ngeiin a nâihai chu Nebukadnezara’n a thathaia, Zedekia mit ru khom a kêlterpai pe sa; kut khit pumin Babulon-a a hruai ta.
Tempil insiatna
(Jer 52.12-33)
8Babulon rêng Nebukadnezara inlal kum sômhleikuakna tha ringa le sûn sari ni sûn chu Nebukadnezara hrungtuhai laia an ulian Nebukadnezara chu Jerusalem khuaa a lûta. 9#1 Rng 9.8 Tempil chu a hâla, rêng inhai le Jerusalema mi lianhai in khom a hâl pehaia. 10A sipaihaiin khua an irkulna bang an seta. 11Nebukadnezara’n khopui sûnga mi la omhai chu Babulon tiang a hruaihaia, mi kut theithiamhai#25.11: Hebraiin “mipui” ti a ni. le Babulon la hmu ngai loihai khom suak hrangin a hruaihaia. 12Mi chukloitehai vai grep irhuan le loi infâi hrangin Judai rama a mâksanhaia. 13#1 Rng 7.15-26; 2 Tsn 3.15-17; 4.2-5 Kaldaihaiin tempil dâr chopui, tâli le tuipanghai an insiat, a dâr pumin Babulon-a an chôi. 14#1 Rng 7.45; 2 Tsn 4.16 Maichâma irvut luakna le a siana, meiser siana hmangrua, thilinhlan zoro thisen dôna tâbor, mirimhoi hâlna, tempil sin thôna an ihmang dâr lam pang rêng rêng chu an lâk vinga. 15Rângachak le sumrua siam murdi chu berbu lian le a chîn tetehai ite hôi loiin an ilâk infâi ving a ni. 16Solomona’n tempila hrang dâra siam chopui, tâli, tuipanghai chu var thei loi raka rik a ni. 17Chopui inhnihai chu an irang mai, mûk sômhleiriata irsâng an ni.
Judahai Babulon-a an hruai
(Jer 52.24-27)
18Sipai uliantak Nebuzaradana’n ochai inlaltak Seraia le a hnuaia ochai Zefania le tempila ulian inthumhai khom Babulon-a a hruaia. 19Kho sûnga ulian dang la omhai, sipai hruaitu dang sipai irdâi tianga thei le mi kâmnang a dang sômrukhai chu, 20Nebuzaradana’n Hamath bial Libna khua Nebukadnezara omna khuaa khan a hruaihaia. 21Reng a vîkhaia, a lei that polhaia. Khaang khan an rama suaka hruai an ni ta.
Judai ram optu Gedalia
(Jer 40.7-9; 41.1-3)
22 #
Jer 40.7-9
Babulon rêng Nebukadnezara’n Ahikama nâipa Gedalia, Sefama tupa chu Judai ram op hrangin an thanga, Babulon-a hruai loihai enkolin a kuta pêkin a oma. 23Juda sipai le an ulian Babulon rêng kôla irpêklût nuam loihaiin an inhriatin chu Mizpa khuaa Gedalia kuang an fea; kha sipaihai kha Nethania nâipa Ismaela, Karea nâipa Johana’n le Netofa khua mi Tanhumeta nâipa Seraia le Maaka khua mi Jaazania le a mihai an ni. 24Gedalia’n an kuang le an mihai inhriatin, “Kaldai sorkâr sinthohai hi chi no ro. Rama hin om papai unglân, Babulon rêng hnuaia kûn unglân nin ta hrangin sa a ti,” a tia. 25Kha kum sûng tha sarina chu Nethania nâipa Ismaela Elisama tupa, rêng irchia mi chu mi sômkhathai le Mizpa khuaa an fea, Gedalia chu a doia, a thatpai tâka. A kôla om Israel le Babulon mihai khom a thathai saa. 26#Jer 43.5-7 Israel mi murdi inriangtehai le sipai ulian lei ni tâkhaiin Babulon-hai an chi no sikin Aigupta ram an fe ta.
Jehoiakina zêl intâng suakna
(Jer 52.31-34)
27Evilmerodaka babulon rêng a ni kumin, Judai rêng Jehoiakina chu lung an khama, intângna in ata an suaka, Jehoiakina chu kum sômthum sari le tha sômhleihni sûn sômhni sûn sari ni an tâng zoiin an insuaka. 28A sate’n a chong a hoia, a rêngtoihmun chu rêng danghai nêkin a’rsângtir pea. 29Intângna ina songkol a kheka, a dam sûng chu rêng kôla bu a nêk tâka. 30Sûn tin a bituk neiin a innang murdihai chu an pêk mai ta ngai a ni.
Currently Selected:
2 RÊNGHAI 25: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
