2 RÊNGHAI 24
24
1 #
Jer 25.1-38; Dan 1.1-2 Jehoiakima an lal lai hin Babulon rêng Nebukadnezara’n Judai ram a doia, a hnuaia Jehoiakima chu kum thum an lala, a tehel pe tâka. 2Rengpa’n Babulon sipai rualhai, Moab hai, Amon sipaihai hmangin Jehoiakima a doia. Judai ram insiat hrangin a tîra. Hianga a tho hrang thu hi Rengpa’n a deipuhai hmangin a lei insîr sai a ni. 3Reng Manasea thilsual tho hai, ite ti loia a thathai hluk sikin, a hmuphâk loina rama Judahai a’rzûlhai theina hrangin hi thil hi Rengpa thupêk zuang tung a ni; 4Rengpa’n Manasea thilthohai hi a ingaidam thei loi a ni.
5Jehoiakima thiltho danghai chu Juda rênghai thurchi irziakna bua a chuang. 6Jehoiakima chu a thi tâka a nâipa Jehoiakina an lal nôk tâk a ni.
7Eufrates tui le Aigupta hmâr tiang ramri kâr murdi hi Babulon rêng thuneina hnuaia a om tâk sikin Aigupta rêng le a sipaihai chu irthok suak ngam ta mahai.
Juda rêng Jehoiakina
(2 Tsn 36.9-10)
8Jehoiakina chu kum sômhleiriat mi a niin Judahai rêng a changa, Jerusalema tha thum an lala. A nu chu Jerusalema mi Elnathana nâinu Nehusti a ni. 9A pa angin Jehoiakina khomin Rengpa mithmua thilsual a itho a ni. 10An lal lai hin rêng Nebukadnezara sipaihaiin Jerusalem an hong irhuala. 11An irhual lai hin rêng Nebukadnezara chu Jerusalema a lei hon zin lai tak a nia. 12#Jer 22.24-30; 24.1-10; 29.1-2 A nu nâi a sipaihai le rêngin a mi lian omhai le Jehoiakina chu Babulon kuta a irpêk lût a ni. Nebukadnezara’n an lal kum riatna hin Jehoiakina chu suakin a chela. 13Tempil le rêng ina sum om murdi le Babulon khuaa a chôia, Rengpa lei ihril tâk angin rêng Solomona tempila hmang hrang rângachak bêlbûr a isiahai an siata. 14Reng Nebukadnezara’n Jerusalem khua mi, rêng in sûng mi murdi mi lian ualhai sîngkhat suak chang hrangin a hruaihaia. mi kut theithiam, thîrsuhai khom a hruaihai zita. Judai rama chu mi’nmôltehai vai a mâksanhai ta.
15 #
Ezek 17.12
Nebukadnezara’n Jehoiakina chu a nu le a dôngma a mi lianhai le Judai rama mi lian ualhai chu Babulon suaka an omtira. 16Nebukadnezara’n sipai chang thei loihai chu Babulon tiang a hruaihai zita, mi sângsari le kut theithiam, thîrsuhai sângkhat a hruaihai a ni. Sipai chang zit an ni. 17#Jer 37.1; Ezek 17.13 Nebukadnezara’n Jehoiakina pa sangpa Matania chu Judahai rêngin a siaa, a’rhming a thûl pea, Zedekia a iphua a ni.
Judahai rêng Zedekia
(2 Tsn 36.11-12; Jer 52.1-3)
18 #
Jer 27.1-22; 28.1-17 Zedekia chu kum sômhni inkhat a niin Judahai rêng a changa. Jerusalema kum sômhleikhat an lala. A nu chu Libna khua mi Jeremia nâinu Hamutali a ni. 19Reng Jehoiakina angin Rengpa mithmua thilsual a thoa. 20#Ezek 17.15 Rengpa chu Jerusalem le Judai ram mihai chunga a ning an mura, a hmuphâk loina rama an hnotsuakhai tâk a ni.
Currently Selected:
2 RÊNGHAI 24: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
