Popular Bible Verses from 2 Korinhtuq 9

Share

Haû mù, ahkyíng hkangmó jung hkangmó má, núngmòq râ é bànshoq wó mù, ge é múzó hkangmó lé núngmòq je myo wó kut kó sháng gàq ga, Garai Gasang gi, jeju lhúnglháng lé, núngmòq lé wó byî é sû nghut lhê.

Yùq hkangmó gi, a kâm byî é eq byí nhang é dông a nghut é za, yhûmsing myìt má byí nau é myhó lé myìt hpyit yû mù byî é dông dùt râ lhê. Hkâsu mù gâ le, Garai Gasang gi, gabú myìt èq byi sû lé chyitdàp ri.

Shau za sân hkyó sû gi, shau za shû yù râ nghut mù, agùn agó sân hkyó sû gi, agùn agó shû yù râ nghut lhê gâ é dang lé, myìtbûn nyì keq.

Kyô hkyó sû lé kyôshi, zoshuq matú mùk byî é Sû gi, núngmòq lé kyôshi byi mù, lhoqmyô jàt byi râ eq, núngmòq é díngmán hkyo é ashi lé myô lò nhâng râ nghut lhê. Núngmòq gi, ayòq abun hkangmó má agùn agó byî é bang wó dùt kôrâ matú, hkyô hkangmó má sut wó é bang dùt é hui kôrâ nghut lhê. Núngmòq agùn agó byî é hkyô lé, ngá-mòq lhai byi mù, Garai Gasang lé jeju hkya-ôn é hkyô dùt râ nghut lhê.

A ung htoq taî é Garai Gasâng é chyûnghuq é yánmai, jeju hkya-on hkyô gi, Yhâng chyáng ru nghut nyî sháng gàq ô!