Popular Bible Verses from SAN MATEO 5

Share

Jökoraiño vi mechero yamboendɨ yave, ngaraa ñañono yapepo oyembovapɨ vae igüɨ pe, ñañono ko mechero jenda re, opaete o pe ñogüɨnoi vae reta pe omoembipe vaerä. Jökorai toyekuaa pereko kavi reta ïru vae reta jóvai, oikuaa reta vaerä peyapo ko ikavi vae. Jökorai omboete reta vaerä peRu ara pe oï vae.

Pe reta ko jae tembipe rami ɨvɨ pe. Metei tëta guasu oï ɨvɨtɨ re vae oñemi rapeä ko.

Oyerovia ko jókuae ipɨa ikɨambae vae reta. Echa oecha retata Tumpa.

Oyerovia ko yɨmbɨaɨ jare iɨuve rami mbaejupi re vae reta. Echa Tumpa omeeta chupe reta.

Ërei che jae peve, peaɨu perovaicho reta. Peñee kavi oyepopeyu peré vae reta kotɨ. Peyapo ikavi vae pemotareɨ vae reta pe. Peyerure Tumpa pe ikavimbae vae oyapo peve vae reta re.

“Oyerovia ko jókuae iporiau iyeupe Tumpa kotɨ vae reta. Echa jae reta imbae ko araɨgua mborookuaía.

Oyerovia ko oyapo mbɨakatu vae reta. Echa Tumpa jeita chupe reta: Pe ko jae cheraɨ reta.

Oyerovia ko ipɨatɨtɨ vae reta. Echa Tumpa ombopɨakatu retata.

Oyerovia ko jupi vae oyapo jeko pegua oiporara vae reta. Echa jae reta imbae ko araɨgua mborookuaía.

Oyerovia ko jókuae iporoparareko vae reta. Echa Tumpa oiparareko retata.

Peyeroviaño, chereko pegua ïru vae reta jei ikavimbae peve yave, jare oiporarauka peve jare jei oipotagüe ikavimbae iyapu reve pekotɨ yave. Peyerovia yae, echa Tumpa güɨnoi ara pe mbae ikavigüe yae pembaerä. Echa jökorai ko oiporarauka ñeemombeúa reta tenonde rupi ma yogüɨreko pegüi vae pe.

Oyerovia ko oñemomichi vae reta. Echa Tumpa omeeta chupe reta kuae ɨvɨ imbaerä.

Pe reta ko jae yukɨ rami kuae ɨvɨ pe. Ërei yukɨ jembochɨä ma yave, ¿këraita ra jembochɨ ye? Mbaetɨ ye ikavi mbaerä. Jaeño oyemombo vaerä jare oñepɨ̈ro jese vaerä.

Jáeramo, peyapo ikavi vaeño, peRu ara pe oï vae oyapo rami.

Ërei rere yave: ‘Ayapota’, eyapo. Ani rere yave: ‘Ngaraa ayapo’, agüɨye eyapo. Echa remboasa ete kuae güi rere yave, reyapota ikavimbae vae.

Peikuaa ko Moisés arakae jei körai: ‘Tesa maratu yave, toyemboepɨ tesa pe. Täi maratu yave, toyemboepɨ täi pe.’ Ërei che jae peve, agüɨye pemboasɨ ïru vae oyapo ikavimbae peve yave. Kia okua nderovaɨke re vae pe, erova vi jovaicho chupe.

Nderesa ndeakatu kotɨgua oyapouka yave mbaeyoa ndeve, enoe emombo ndeyeugüi. Echa jaekavi ko ndeve metei mbae oata nderete pe, tata guasu pe opaetei nderete okañɨtei vaerägüe. Jökoraiño vi ndepo ndeakatu kotɨgua oyapouka yave mbaeyoa ndeve, eyasɨa emombo ndeyeugüi. Echa jaekavi ko ndeve metei mbae oata nderete pe, tata guasu pe opaetei nderete okañɨtei vaerägüe.