Popular Bible Verses from Una Kaenamiae 20

Share

Areme Mosisi fune e Isureroko boeje kumeno bu una besu afuivoga fu kiae, Godido vua akae ka mamekanu fu kuaema ije ijiege. E Ireobo naeje naka Godi jone. Ijadufuo maeje ja gamia e Ijifitiko ijiebuo mani baki imenoejoga nare ja kaenamiana keke ruae. Ijadufuo jade godi binobino ijiebuo baname isoekiro nineka na nosukua none baname isoefo.

Ro jade uri ire bino saove gufia ro ume igia ro kuke do guove ro sakae guove ijia naovo ijiebuo uikubae ije amaeriavo. Ro jade uri ire ja amaeriaeva ijiakiro godi binobino ije kuri tuakafiakinu buone baname isoevo. Ijadufuo maeje naeje na Godi E Ireobo jone ijene. Ijadufuo jade godi kufui ijene aroriakiro nime ive none ijiaru abe aroriefo. Ro eranebe bu na ijuonena ise renoevo ije nare kame isekafiake. Ro kuke na uifari buone bu rade urivo ije kame isekafiadufuo. Na e uifari ma uruvana ijiege bu rade urivo ije bu na oetuakinu ro akae none iriniakuva naka maza boeje bu oetuakinu vake.

Ro ame ije ni asoerafa ijiakiro asierafa jone ije mukoreigia aguariafo. Ja ijiege rekuva ja aesakae ije na miavo ijia maza jiamadogo ijia kari vake.

Ro mazani seveni ije ja mauike karivo ijene ijadufuo nika abe akae rena mukoreigia samuafo.

Ro jade vame ise ijia ive none ije kurienoejo. Ijadufuo maeje naeje naka E Ireobo Godi jone ijene. Ijadufuo eranebe ive none abe isema kurienoekuva naka kame isekafiake.

Ijadufuo ma eje mazani sigisi ije ja ijia imekinu ro ire binobino renoedufuo. Ro mazani seveni ije fu mazani none ijadufuo nika mazani ije abena mauike karifo. Ro mazani ije irasekuma e besukua be fube i besukua be meke. Ro ja anafa jone ijiakina e jone mani baki imenoevo ijiakina fanuve jone ja samuagiavo ije ro e ae binoko bu jaena aesakae jone ijia karivo ije besukua be fube mazani ijia imenoeke.

Ro jade e guebuo are ro bara buone ro e buone mani baki imevo ije giana rieziavo. Ro kuke jade mave-kau ro doniki ro ire buone bino ije giana rieziavono kiae.

Ro jade oenoeno e bino vua kufui ijia kuaena kame bu namiavo.

Ro kuke jade oenoene e binobuo bara turavo.

Ro jade oenoene e bino kaniaga bu oevo.

Ro jade oenoeno ebuo ire binobino iniemevo.