Popular Bible Verses from Rom kimbi 14

Share

Wani neneya nembini aka wani oya nembini, miaŋön Anutu bemtohoŋaŋgö aiwesökŋi qahö akza. Yuai miaŋön mönö eretŋi akza. Yaŋgö bemtohoŋ uruŋe malmalgö ölŋi mi kewö: Uŋa Töröŋan inahöm neŋgiiga ahakmeme diŋdiŋi wuataŋgöinga luai qem neŋgiiga söŋgaiba maljin. Miaŋön mönö aiwesök muŋgemŋi akza. Denike yeŋön mewö aka Kraistkö welenŋi qemakzei, yeŋön mönö Anutugö jeŋe dop kölgetka ambazipnöŋ keuŋini mötketka dop köl eŋgimakza.

Miaŋgö könaŋi kewö: Jebuk malbin ewö, mönö malmalnini Kembugöra köleŋda malbin. Kömumbin ewö, mönö Kembugöra kömumbin. Miaŋgöra malbin me kömumbin ewö, mönö Kembugö buŋaya akzin.

Miaŋgöra nini luai qem aŋguinga urumohot sehimapköra kapaŋ kölbin. Mewö miaŋön mönö urunini möhamgöba mem köhöim aŋgubin.

Miaŋgöra mönö kude toroqeba jim bölim aŋguba keuŋini jim teköme. Urumeleŋ alaurup yeŋgö könanöŋ tötaŋgöba et eŋgubapukö yuai kun mönö kude alakŋe. Miaŋgö keuŋi mönö kapaŋ köla jiba jöhöme.

Miaŋgö keuŋi mi Buŋa Kimbinöŋ kewö ohoget ahöza, “Kembu nöŋön mal köhöizali, miaŋgö dopkeu öl töhönŋi kewö jizal: Ambazip körek pakpak iŋini mönö nöŋgö jemesoholne simin köla jitŋinan Anutu ni möpöseim niŋgime.” Keu miaŋgö dop nini körekŋan mönö inanŋök inanŋök ahakmemeninaŋgö kösohotnini mi Anutugöra jim asariinga kewöt neŋgima. Mewö.

Kungö mötnaripŋan lölöwöröŋi aiga i mönö köyan köla köl öröm waŋgiba malme. Yambuk eraum möta kösawöraŋ keugöra jitnakölik kude ahakŋe.

Göŋön mönö niŋia aka kungö welenqeqeŋi jim teköm waŋgibanak? Yaŋön mönö nanŋi toŋaŋgö jeŋe keuŋaŋgö likepŋi jiiga kewöta jim teköiga dop köliga kinma me lömböt qakŋe öŋgöiga etma. Kembunöŋ mönö köhöiba böŋ qeba kinmapköra naŋgöm waŋgimakŋa. Miaŋgöra mönö ölöp böŋ qeba kinma.