Popular Bible Verses from Aŵaloma 8

Share

Kaŵili tuliisi ati ifintu fyonse filakumana mukucitile'fiweme aŵo aŵatemwa ŵaLesa, aŵetilwe koti kufwaya kwaŵo.

Pakuti ndukucetekela ati neli nimfwa, neli mweo, neli niŋkalamba, neli ŵufumu, neli fintu fyaŵukumo, neli fintu ifikesa, neli makosa, neli ŵutali ubwakwiulu neli bwapansi, neli cintu cimbi icileŋgelwe, tacikesiŵa-po ukutulekanya neŵutemwe bwaŵaLesa, uŵuli muli ŵaKlistu Yesu ŵaSikulu ŵesu!

Fyopele'fyo kaŵili neMupasi ulakofwa-ko ukunaka kwesu; pakuti tatwisi ukutembela ukwelelwe; sombi Umupasi uwine ulatupapatilila nekusisimuka ukutakwisi ukusimbulwa

Mbatulaŵile syani lomba ifyafintu ifyo? Kani ŵaLesa ŵali nafweŵo, mbaninani uwakulwa nafweŵo?

Pakuti pali fyefyo ŵukumo tapali ukuŵasinina aŵo aŵali muli ŵaKlistu Yesu.

Pakuti ukulukufilaŋguluka ifyakumunefu nimfwa; sombi ukulukufilaŋguluka ifyakuMupasi mweo neŵutende.

Koku; sombi mufintu ifyo fyonse tulisyucile ukwakucila-po lukoso, pakuti pali ŵaŵo aŵatutemenwe.

Pakuti ndukweŵa ati ukusomenwa kwampindi ino kuce lukoso pakulaŋguluka uŵuleme uŵo uŵukatufisulucila fweŵo.

Mbaninani ukatulekanya neŵutemwe bwaŵaKlistu? Kani kukululuka, kani ninsoni, kani kupeŋga, kani ninsala, kani ŵusakula, kani censwa, kani nimpoko?

sombi aŵo aŵacencenta mumitima ŵaliisi ukulaŋguluka kwaMupasi; pakuti ŵalaŵapapatilila awaluŋgeme koti kufwaya kwaŵaLesa.

Pakuti ŵonse aŵo aŵatanjililwa kuMupasi waŵaLesa, aŵo ŵana ŵaŵaLesa.

Pakuti aŵo aŵekala koti munefu, ŵalalaŋguluka ifintu ifyakumunefu; sombi aŵo aŵekala koti Mupasi, ŵalalaŋguluka ifintu ifyakuMupasi.

Aŵo aŵataŵakenye Aŵana ŵaŵo aŵali ŵeŋka, sombi ŵaliŵaposele pakuti pali fweŵo fwense, kansi taŵakatupela pamo naŵo ifintu fyonse ifyakupa lukoso?

Umupasi uwine ulaucita ŵumboni umupasi wesu ati tuli ŵana ŵaŵaLesa: lomba, kani tuli ŵana, tuli nimpyani kaŵili; nimpyani syaŵaLesa, nimpyani siŵyaŵo ŵaKlistu; kani icine tulukusomenwa pamo naŵo, ati tukalemiwe pamo naŵo kaŵili.

Pakuti ukulukulaŋguluka ifyakumunefu ŵupate kuli ŵaLesa, pakuti takukomekwa kwifunde lyaŵaLesa; kaŵili takwisi ukukomekwa.

Pakuti ifileŋgelwe fyonse, ili ficetekela nemitima yafiko yonse, filukupembelela ukufisuluka kwaŵana ŵaŵaLesa.

Pakuti tuliisi ati ifileŋgelwe fyonse filukutoŋgela nekulukupotwa kukusomenwa ukuficila ŵukumo.