Popular Bible Verses from Ifyakufuma 20

Share

Neŵo nineŵaYawe Lesa woŵe, aŵakufumisye mucalo caIjipiti, muŋanda yaŵukalume. Tekwikala naŵalesa ŵambi pamenso anji.

Tekulicitila ifiŵumbwaŵumbwa, neli fyakupalana nefyakwiulu, neli fyapacalo capansi, nefyamumenda amunsi mucalo; tekuti winamisye kuli fyo neli kufipyunjila, tau; pakuti neŵo neŵaYawe, Lesa woŵe, ndi ŵaLesa ŵaŵukwa, aŵacite'milandu yaŵakuŵifya paŵana ŵaŵo ukufika nakufitentekwa fyaŵufitatu nefyaŵufine ifyaŵaŵo aŵalukumfitilwa

Utote ŵawiso naŵanoko, ati insiku syoŵe silukucilunduluka pacalo icilukukupela ŵaYawe Lesa woŵe.

Laŋguluka akasuŵa kasabata, mukukatonda.

Tekulape'sina lyaŵaYawe Lesa woŵe ukwakuŵepa; pakuti ŵaYawe tesi ŵamweŵe ati wakuŵulo'mulandu uyo uwakuJape'sina lyaŵo ukwakuŵepa.

Ukalukupyuŋga nekucite'milimo yoŵe yonse ukukumana insiku sisanu nakamo; sombi akasuŵa kansiku sisanu nasiŵili kasabata waŵaYawe Lesa woŵe; pakasuŵa ako tekuti ucite'milimo tau, weŵo neli ŵana ŵoŵe aŵalalume neŵanakasi, neli ŵantu ŵoŵe aŵalalume neŵanakasi, neli ninama syoŵe, neli mwensu uwisile mumilyaŋgo yoŵe

Tekucito'luŋkumbwa iŋanda yamuŵyoŵe: tekucito'luŋkumbwa umukasi wamuŵyoŵe, neli ŵantu ŵakwe aŵalalume neŵanakasi, neli niŋombe yakwe, neli nimboŋgolo yakwe, neli cintu cimbi icili camuŵyoŵe.

Tekumuŵepelo'muŵyoŵe, yo.

Tekucito'ŵucende, tau.

Tekwipayo'muntu, koku.

Tekwiŵa, koku.