Popular Bible Verses from 2 Pierre 3

Share

Na da yidöö na Ör̂ökau rö ké yexèvè ké êr̂ê xi-e baayê ma'ʼ, ûr̂û ké tâ néxâi i bör̂i, êr̂ê na yidöö, aè na kièo vè mwââ rö ké tö rhûû-ve xi-e, wè na da bar̂i cè ki yèri dèxâ kâmö rai-ré, aè na e na gèré rhau pwa yèr̂i vipââr̂i.

Pâ kaavèâi pa dö wêê nénââ xi-nya mwêê, koa yè tâ nénui na gëve nô-â ka rhaaxâ r̂ö, êr̂ê, tö némèè Ör̂ökau, wè na ûr̂û rhaaxâ rö nédaa na pâr̂â nédö ka yè mille, aè ö mille pâr̂â nédö, wè na ûr̂û rhaaxâ rö nédaa.

Na e na ki gëve wê kau vi rö-i vi méar̂i vi bwir̂i mâ vi rhîâgür̂ü i Ör̂ökau xé-ré ka vi pè mör̂u, wè Ièsu Kérisö. Ki tö pwar̂a-è na rhîrhér̂é xina mâ waavi aau. Amen.

Nè yè pwa na nédaa i Ör̂ökau na ûr̂û ö kâmö ré pâr̂â, aè nè yè vi vè puu na nékö xar̂a ké kô vè kau xi-e rèi ö nédaa-ré, nè yè bör̂i rhëë na pâr̂â kââ wânii xè-i ké pixê vè kau, aè é yè kèr̂i virai bwêê jë bar̂ee mâ pâr̂â kââ ré é waa rö-i.

Aè tö ké yèri pâr̂â kââ wânii, bör̂i jië na câwâ ka yè pâr̂i-ve! Na wêr̂êi, na da e na ki gëve pâr̂â kâmö pa avâr̂i rö-i câwâ né vi rheewaa mâ câwâ né tâ nôô yè Bâô? Mâ pâr̂â kâmö pa târi, mâ rhî vè e ké yè wê pwa i nédaa i Bâô, ö nédaa ré nè yè rhau kê rö-i na nékö mâ vi vè rhëë, nè yè bör̂i wê rhau mé na pâr̂â kââ wânii rö bwêê jë xè-i kêmör̂u?