Popular Bible Verses from TASALUNIIKI ’DE 5

Share

’Kunyi bwa mo isa yempa/ mo. ’Thoyi ki ṯikir ṯikir mo. C̱iyi mo jin ’boruwa ’bor bwa i is mo goma ris mii ’baar mo kun ṯu’k ’ban mo. Haali/ a’di yansan ta bwa ma Arumgimis eya Ḵrisṯẖos jin ta’da Yesus mo gom um mo be.

Dhalka Arumgimis jin ta moŋḵu’th is ki is piti mo dhagam um ka ’bimpil mo, dhali dhalki shi/in bum dhala ḵashiram bum dhali buŋgwar is bum minu dhu ki ’dantar mo dhali dar gi monthalkin mo gom p̱u’d jin mina Tap̱a Yesus Ḵrisṯẖos bana p̱u’du/ mo be. A’di jin yuḵki um mo tani ta a’di jin ta isiŋ gana/ mo dhali a’di midi mii a’di mo.

Hili ki ’bore/ ki jan ṯal ’deŋ kamu/ ’peni bwam um midi diki raḵ tonthusi bway mo gom tonthus jin miinu mo, hili isa yempa/ simmi mii e mo mmomii miim ’boro’d ka rem ’kup̱ mo dhali gom ’kwani ’baar mo.

Wakan ’bithi ci adu is ka rem ’kup̱ mo dhali nyaŋi anyaŋ ka rem ’kup̱ mo jasi me’d mii jin miikina um mo be.

Dhali aman malaskina um mo, iwaḵ mo, ki um mini ṯo’k uni gwahan kun tana p̱iny is mo, dhali ’bithi uni gwansan adu is mo kun ’thina buye/ ki miin to mo, dhali woṯẖi/ uni kun ’ka’da is mo, ’kuc̱i bwa ki ’kari’th mo gom uni ’baar mo.

Haali/ Arumgimis diki ’kawur ana mo goma nyor mo hili ki ana mina bu’th bway mowoṯẖ mo e Tap̱a Yesus Ḵrisṯẖos bana mo

Haali/ umi ’baar mo ta iya/ gi moŋkush mo dhali iya/ ma tee mo. Ana ’konaki ta uni gi mon’thiny mo walla gom mondhurumi’d mo.