Popular Bible Verses from 1 KORINTO 13

Share

Ŋkhuŋnyə ŋkhyəp tʉm; ŋkhuŋnyə fa' fà' kwitə. E tə ŋkhíŋ mo pɑ, e lə pɑ́ da'tə nɑ é, e lə pɑ ŋa' nɑ́ e. E lə pɑ gə sɔmywə yə ǎ pɔk a, e lə pɑ shəŋ pɑ yə́ fʉ', e lə pɑ́ jɛlúŋ, e lə pɑ́ dwɔ' bò.

E pfɔptə guŋ mnwə awɛ, biŋ guŋ mnwə awɛ, bɑ mɔktə guŋ mnwə awɛ, bɑ sɔk nə guŋ mnwə awɛ.

E lə pɑ ŋwɛnyə nə nwə yə a ka tiŋnyə a, da' gɑ́ bɑ ŋwɛnyə nə nwə nyənyɔ.

Cwəlɔ, mnwə̀ mɔ gɑ́ mənthá: piŋnthʉm, mɔktə, ŋkhuŋnyə tə́ mi pɑ́, tə yə gwyə yə a bɑ́ nə́ a bɑ ŋkhuŋnyə.

Ŋkhuŋnyə tə mi pɑ́. Nə ghɔm ghɔm, pu gɔ sɔ' ghə a mi, nə ghɔm mghɔm dyɛ' gɔ sɔ' mi, zhyə̌nwə mǐ.

A pɑ́ gɑ gɑ̌ ghɔm mghɔ̀m, gɔm myə pɔmnəŋ ba myə pɑ aŋgəle tə́ tɑ́ ghə ŋkhuŋnyə bɑ gɑ̌ bɑ pɑ́ kam tʉɔ yə a wə gi a, kɑ mbak kɔm myə ǎ wə gi a lə.

A pɑ gɑ́ gɑ̌ kwi nə ghɔm ghɔm Si, gɑ gɑ̌ zhyə guŋ ywə cyə zhyə̌nwə, jyə́ guŋ zhyə̌nwə awɛ, gə guŋ piŋnthʉm awɛ ba yə a shwɔ' mkǔŋgó a, tə́ la' ŋkhuŋnyə pɑ bəm bɑ ŋ tə sɔmywə pɑ́.

A pɑ gɑ́ gɑ̌ ghap guŋ potsə tsɑ̌ awɛ bi mghɛ jikǔ', bɑ gɑ́ gɑ̌ tò nɑ́ a pɑ́ mɔk, tə́ la' ŋkhuŋnyə pɑ bəm, bɑ ŋ tə gɔ tsʉpè sɔmywə nə́ pɑ.

Cwə yə ŋ də jɑ̀ mu a, bɑ gɔm nwə pa' mu a, bɑ ŋkwɛnwə pɑ́ pa' mu a, bɑ sɛ nwə pɑ́ pa' mu a. Ŋ dé shwə́ tə bɑ gətso gwa' ywə yə a bɑ yə mu a.