Popular Bible Verses from Yɛtɛ sɔtɔɛ 20

Share

«N tan Alatala nan wo Marigi Ala ra, naxan wo ramini Misira konyiya kui.» «Wo naxa ala gbɛtɛe batu bafe n tan na.»

«Wo naxa kuye yo yailan naxan misaalixi se nde ra, naxan toma koore nun bɔxi ma, xa na mu naxan luma ye nun bɔxi bun ma. Wo naxa wo mafelen na se mɔɔlie bɛ, wo naxa e batu, barima n tan wo Marigi Alatala, n mu wama n firin nde xɔn. Naxee n xɔnma, n nee bɔnsɔɛ ratɔnma nɛ han e tolontolonyie, xa na mu a ra e tolobitɛe xa die.

«Wo xa wo baba nun wo nga binya. Na kui wo xa simaya xɔn kuyama nɛ bɔxi ma, wo Marigi Alatala naxan fima wo ma.»

«Wo xa ratu malabui lɔxɔɛ ma, wo xa a binya.

«Wo naxa n xili yelefu, barima n tan Alatala mu diɲɛma mixie ma, naxee na fe mɔɔli rabama.»

Wo nɔma wali birin nabade xi senni bun ma, kɔnɔ na xi solofere nde findima malabui lɔxɔɛ ra wo Marigi Alatala xa binyɛ bun ma. Wo naxa wali yo raba na lɔxɔɛ, wo tan, wo xa die, wo xa konyie, wo xa xurusee, nun wo xa xɔɲɛe.

«Wo naxa mila wo boore xa harige ma, alɔ a xa banxi, a xa ginɛ, a xa konyie, a xa ninge, xa na mu a xa sofale.»

«Wo naxa wo boore tɔɔɲɛgɛ.»

«Wo naxa yɛnɛ raba.»

«Wo naxa mixi faxa.»

«Wo naxa muɲɛ ti.»