Popular Bible Verses from Galátaigh 6

Share

Agus ná cluintear cloíteacht orainn ag déanamh dea-ghníomhartha, mar bainfimid an fómhar in am agus i dtráth, mura gcaillimid ár misneach.

Mar sin de, beirimis ar an bhfaill leis an dea-rud a dhéanamh a théas chun sochar na ndaoine uile, go háirithe sochar lucht aontí an chreidimh.

Iompraígí tromualaí a chéile, ós amhlaidh a chomh-líonfaidh sibh dlí Chríost.

Ná bíodh breall oraibh; ná síligí gur féidir magadh a dhéanamh faoi Dhia, ná a rá nach mbainfidh duine de réir mar a chaitheas sé síol.

Mar an té a chuireas a shíol mar mhaithe le sáile a cholainne bainfidh sé an lofacht a thagann ón gcolainn; ach an té a chuireas a shíol mar mhaithe leis an Spiorad, bainfidh sé an bheatha shíoraí a thagas ón Spiorad.

A Bhráithre, má bheirtear ar dhuine ar bith i gcoir ar bith, tógaigí an duine sin ar a bhoinn arís, an méid agaibh atá spioradálta, i sprid na cneastachta. Agus seachain thú féin ar eagla go gcuirfí cathú ort freisin.

Mar an duine a dhéanas mór is fiú nuair nach fiú ach neamhní é, bíonn sé ag cur dalla-mullóige air féin. Ach scrúdaíodh gach duine a shaothar féin, ionas go n-altaí sé leis féin é gan baint den chomharsa. Mar caithfidh gach duine a ualach féin a iompar.