Popular Bible Verses from 1 Timote 6

Share

Ang dur ayî ma djivina yam he gagazid’a á ve ari d’a didin nda Alona mi yang kat ata yima ang de woi avok suma glangâsâ ablaud’ina.

Le yam beged’a ni sidei tcho d’a lara ge pet. Kur bege d’a hala suma dingâ a wal lei dei ki he gagazid’a, a nga ki djib’era d’igi azi tchi tazi kat na mi.

Wani he gagazi d’a yam Alona ki hur ma tunid’a ni mbiyo ma fe ma kal teglesâ.

Kayam ei mbei nga kur duniyad’a ki va aboi d’i, ei ndak á i ki va aboi d’uo mi.

Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.

Wani suma a hal ndjondjoîd’ina a nga nde kur kuka, a nga ve ki dauna, a nga ve ki d’od’ok ka lili d’a tchod’a ablaud’a yam ahle suma a sir suma kä kur b’laka ki bad’ina.

Ang hazi vuna á le djivid’a, á i avogovok ki sun nda djivid’a, á hahle mazina mi suma, á b’rau ahlena mi suma ding mi. Hina wani, azi to’î ahlena yam ad’u ge d’a djivid’a yam bur ma nga mbana, kayam azi fe ari d’a gagazid’a.