Popular Bible Verses from Zak 3

Share

‑Ma wɔɔcibhlililiea ‑ɩ 'wlʋlʋ 'lɛ ‑laagɔɔn na, ‑bɛɛ ɩ ‑kplɔ, ɩ lamʋ pupue, pɔɔwɔtɛ, nebhloplɩlɩɛ, ŋaazɩɩnlɩlɩɛ 'nyɩ ɩ ‑yelio 'lɛ nʋnʋgbɩ 'nanɩ. 'Ɩ gbazlɩlɩ 'ta nɩkplaan, 'nyɩ ɩ 'ta ‑kplakpla ‑ka.

Wɔɔbhlilinyɔ ɩya dɩgalɩnyɔ ‑kʋ anyɩ sidiin bha? 'Naa ɔ palalɩɩ ɔla 'namʋ 'nanʋa nɩkplaan, 'naa ɔ palalɩ nʋnʋgbɩa ‑ɩ ‑pupuo 'lɛ na nɩkplaan lebhe ɔ ‑ci wɔlɩ.

Maa ‑ɔ ‑wa 'lɛ pupue na, pupue ma moni 'lɛ macɩ cɩ, 'nyɩ 'caa ma sa 'lɛ na, ɩ ‑glɩ 'lɛ 'kʋnylugolunʋnʋgbɩ.

‑Masa daa woze, ɩya ‑lɩɩtɩtɔwugo ‑kʋ 'lɛ na, ka ‑wuyawuya ɩya nʋnʋgbanyinyi kʋ 'lɛ 'dɛ.

‑A mʋʋ 'nyɩ ‑a bhɔlʋ -ala ‑Kwlenyɔ ɩya ‑a To, 'nyɩ ‑a ma ‑awlɛ 'lɛ ʋmʋ ‑sakasaka, 'nyɩ ‑a pa 'lɛ ncɛlɩa ɔ ya 'lɛ ɔcɩ 'bhisa 'kʋ nʋ na. Nea bhlogbɩɩ nɩkplaan 'nyupalɩɛ ɩya 'palɩɛa 'wlʋlʋ 'lɛ. Na, bholiecɩnyɩ, ɩ 'ta ‑fata lebhe ɩ kʋ sɛɛ.

Na, mɩɔ ‑ma, ʋ ‑glɩ ‑kosu, ʋ ‑glɩ ‑abhɔlɛ 'la ‑laagɔzɔan ‑ʋ 'slalɩɔ 'lɛ ala 'nyɛkɛa nɩkplaan, 'nyɩ ʋ nyumo 'lɛ ɛla ‑lɩɩbhuoa na. Ʋmʋ ‑ʋ zʋ 'lɛ ‑ala jabhʋa 'la ‑lɩɩbhuoa ‑kosu, 'nyɩ ‑kosu ‑naa, ‑kosua ‑ʋ ŋomu 'ta 'lɛ na nɩkplaan ʋ 'wlʋlʋ 'lɛ.

‑Ma mɩɔ, nclɔɔ bhlogbɩɩ mino 'ta ɩya ɔ 'kʋʋ 'kʋ kla. Ʋ ‑glɩ ‑lʋʋnyunyua ‑ʋ kʋ 'ta 'lɛ 'cɩɩ na, ʋ ‑yelio tɩtɔnyunyua ‑ʋ bhla 'lɛ na.

N bholiecɩnyɩ, anyɩa ‑tɛtɛa 'la 'plɩa sɛɛ canya, sa a ‑ci sɛɛ lebhe 'tɩtɩa ma cɩ 'ka 'lɛ ‑anyɩ canyaa ‑pla na, ɩ cɩ 'ka 'tɛbhalɩ