Popular Bible Verses from Zak 1

Share

Bholiecɩnyɩ, 'kwlɩa ‑tɛtɛa ‑ɩ bhɩa 'lɛ anyɩ na, a 'lɩlɩɩ pɔlɛkʋmɛnɔ 'kadie nɩkplaan, sa a ‑ci sɛɛ lebhe 'kwlɩ ‑ka anyɩ bhɩa 'nyɩ ala pɔɔtɛtɛa 'ta bhli na, ɩ gba 'nyɩ a cibhlili pɔɔklasa.

Gbazɩ anyɩ sidiin, bhlo 'ta dɩgalɩ ‑ci na, 'naa ɔ 'clalɩɩ Laagɔ ‑ma ɔ cɩɔ mɩ 'nyɩ. Sa ka Laagɔ wlʋ 'lɛ ɔcɩ 'kʋ 'nyɩ ɔ nyɩ 'lɛ ncɛlɩa ‑tɛtɛa. 'Ɔ 'pa 'ta maa 'ge.

'Na ‑wawabholiecɩnyɩ, a ‑ci ɩmɩ ‑naa 'bhlɩɩ, ‑ma 'naa nclɔɔ nclɔɔ 'nu 'faanfan, ɩya ɔ 'la 'maa wɔɔnyɩtʋ ɩya dɔgbɛ 'faanfan.

‑Ma ɩ ‑fata lebhe ala pɔɔklalɩɛa ‑glalɩ 'kʋ ɩya a 'ka ‑kplɔkplɔnya 'plɩ, ɩya ma 'la 'ka anyɩ wɔɔnyinyi ‑ylɛylɛ cɩ 'lɩlɩ.

A 'plɩlɩ wɔɔnyɩtʋa 'kʋ, ‑ma a 'la 'plɩa ʋla 'nyukwliinponya bhlobhlo, ‑ɔ 'nyiglili 'lɛ macɩ na.

Ɔ ‑kʋ 'nanɩ, nclɔɔa ‑ɔ kla 'lɛ pɔlɛ 'kwlɩbhɩɛ nɩkplaan na, ‑ofi lebhe ɔ ‑ci 'lɛ pɔɔklasa na, ɔ cɩ 'ka jabhʋa 'la ‑asɩkɛkpoonkpoa 'lɩ. Sa Laagɔ ya ‑ndanyɩ ta le ɔ cɩ 'kaa maa ‑anʋa ‑ɔ ‑wɔɔ 'lɛ na 'nyɩ.

Vavalʋʋa ‑tɛtɛa ‑ʋ kalɩ 'lɛ gbʋ 'nyɩ ʋ ‑glalɩ 'lɛ 'kʋ na, ‑laagɔɔn ʋ 'wlʋlʋ 'lɛ, zezezelia ‑tɛtɛa ɩ toa cɩ, ɔmɔa ‑ɔ 'plɩ 'ta 'lɛ, 'nyɩ ‑ɔ kaci kacili 'ta 'lɛ 'kʋ na.

‑Masa, gbazɩ nclɔɔ ‑ka wɔɔnyɩtʋa 'nyukwliinpo 'nyɩ ɔ 'tʋʋ 'kʋ 'plɩlɩ na, ka ɔla gbɩa ‑kʋ 'lɛ le nclɔɔa ‑ɔ kope 'lɛ ɔla 'klʋa ‑aklawoko nɩkplaan, 'nyɩ daa ɔ ya 'lɛ ɔcɩ 'lɩmʋlɩɛ bhɩalɩ, 'nyɩ ɔ ya 'lɛ mʋ na, ɔ bolu 'lɛ saa ɔ ‑kʋkʋlʋa 'lɛ na 'kʋ na.

‑A To Laagɔ 'ci 'kʋ, a ‑ka kwiicuo ɩya 'kuzluŋwlɛ pɔlɛcɩfalɩ, mala 'kwlɩbhɩɛ nɩkplaan, 'nyɩ a ‑ka ‑laagɔzɔn 'la lɩɩa ‑ɩ nyumo 'lɛ nclɔɔ na cɩ da tlʋbhalɩ na, ɩmɩ ‑ɩ ‑glɩ 'lɛ gʋgwlɛa ‑ɛ ‑kplɔ 'lɛ 'nyɩ ‑ɛ ‑glɩ 'lɛ gʋgwlɛa 'titi na.

Na, gbazɩ gbɩɩnclalɩɛ ‑ka nclɔɔ ŋeni na, ɔ 'la 'claa lebhe: «Laagɔ ‑ɔ faan 'lɛ gbɩɩnclalɩɛɛn.» Sa gbɩɩnclalɩɛ cɩ 'ta mino ɩ 'ka Laagɔ ŋeni, 'nyɩ 'ɔ ‑fata nclɔɔ bhlogbɩɩ gbɩɩnclalɩɛɛn. ‑Ma ɩmɩa nclɔɔ 'titi ɔla pɔlɛ ‑kʋ 'lɛ cɩ, ɔ gɩlɩ 'lɛ, 'nyɩ ‑ɩ 'nyiglilio 'lɛ na, ɩmɩ ‑ɩ fɔɔ 'lɛ gbɩɩnclalɩɛɛn.

'Naa bholia ‑ɔ ‑glɩ 'lɛ ŋaazɩnyɔ na, ɔ kʋ ɔla 'kʋtolɩɛa Laagɔ nyɩɔ 'lɛ na, ɩla pɔlɛkʋmɛnɔɔn