Popular Bible Verses from 1 Bakorinte 9

Share

Hape, batu kaufela ba ba itukiseza ku siyana ba swanezi ku mamela litaelo za bazamaisi ba bona. Mi ba eza cwalo kuli ba fumane mupuzo, ili o si na ku ina, kono o fela kapili. Haili luna, lu eza cwalo ku fumana mupuzo o sina ku fela kuya kuile. Kabakaleo, ni mata ni nze ni talimezi kwa sikonkwani, ili kwa mafelelezo a siyano. Ni swana ni wa liñindi ya sa shuta-shuti ka ñindi ya hae.

Ni cineza mubili wa ka kwa liñindi, mi na u tatafaza, kuli ni si ke na fumanwa ni si na tuso mwa siyano, ha ni se ni lutile ba bañwi mo ku siyanelwa.

Ha si mwa ziba hande kuli mwa siyano bamati kaufela ba kena mwateñi, kono ya fumana mupuzo ki a li muñwi feela. Mu mate ka mukwa o ka mi fumanisa mupuzo.

Mwahal'a ba ba fokola mwa tumelo, ni na, ni pila inge na fokola sina bona, kuli ni ba hape. Mwahal'a batu kamukana ni ikeza ya swana ni bona kuli cwañi kapa cwañi ni ipilise ba bañwi.