Popular Bible Verses from Nje Ke Galatie 6

Share

Adi kem̂ jéi tête mann dè ra nyan ke maje’t nga lé. Ke nè á j’adi ji jéi sɔl giré lé ɓaa, ndɔn’t j’à j’ujei kann’n ɓai.

Titeke bè á, loo ke j’ingei kurloo ɓaa, adi jè rai maje se dooge malang. Nè maje kade jè rai maje se ngakon jéige ke undei kem̂ de dè Nube’t j’adi dum dè le dooge ke rang malang.

I taai nyankoto ke wɔi dè nan’t. Titeke bè á a i rai gute-ndu le Krist nga tɔli mbas.

Adi kum si sú sei dè tà’t nè nga lé: Doo à ule mbe dè Nube’t lé, tede nyan ke doo dubu nga à uje kann’n kuwe.

Doo ke dubu nyan ke ɔje dè danra ɓaa, è à uje kann nyan ke oje dè danra ke è tuju nga tɔ. Doo ke dubu nyan ke ɔje dè Ndil ɓaa à inge ndikumgajer sár se non. Ndikumgajer sár se non nga, è kann nyan le Ndil.

Ngakonmge, ke nè á uwei doo karé dè ra nyan ke se go rebenn’t lé ɓaa, sei ke i njiyei se go Ndil-Kem̂nda ɓai nga, i gɔli nin ilei nin rebe ke danné se ndu noje. Sei géa, kem̂ si dè ra si’t nè bainléa a teli rai majelé se’n tɔ.

Ke nè á doo karé ke è doo ke raikarè gir kem̂n’t ede nè: N’ee doo ke n’ase ɓaa, è kuwe sú kum ra’n. Maje kade nanan géa ter kule ra’n ke le’n-le’n an. Ke nè á kule ra’n maje kade dè’n in-in’n tchakm ɓaa, maje kade dè’n in tchakm ɔje dè’n è kuwe se kar’n m à kuwe dè kin tchakm le’n kɔje’n le doo ke rang lé. Sei geri mbak, nanan géa à unn nyankoto ke wɔi ke ɔje dè’n-dè’n.