Popular Bible Verses from Nje Ke Galatie 5

Share

Kann nyan le Ndil á tò nè: Tár nan, ranel, kem̂lom, kem̂kile, kem̂-maje, kem̂-kunde, kaw lom-lom se kunde kumkunju dè ra’t a tɔ. Gute-ndu ute nyange nè nga mbeng lé.

Tà ke man m’ede sei á nè: Inyei Ndil-Kem̂nda adi ɔr non si ɓaa, ngur nyange ke majelé le danra à ra sei lé.

Jè ndi kumgajer takul Ndil-Kem̂nda; bè ɓaa, jè njiyei se goo Ndil-Kem̂nda.

Dooge ke umi nan’t bɔk se Jésu-Krist nga, uwei danra se ngur nyange le’n ke majelé ɓerii kade kage-ke-dese’t.

Ngur nyange ke majelé le danra nga tooi nata ndái-ndái. Ei á tooi nè: Tò se nan ke kaiya’t, ra mine, nyanra ke pás-pàs. Polé mage, ra nan se kuge, kɔr nan njêt, ra jang se nan, kɔl nan, ra kem̂kein, ra wong, ra nan tà, tà tin nan, kai nan, kɔr kum nan. Ra ngur nyan pênn-pênn, ra ɓer le yibe, kunn gon nyankuse se nyange ke nange ke taai nan se de bè. Man m’ede sei ndàt kété titeke ndɔ ke m’ede’n sei nga: Dooge ke inyei ra de nyein dann nyange ke nè nga, loo le de goto kem̂ Konɓee’t le Nube sár se non.

Ngakonmge, sei nga dé ɓar sei le kade i ndii dè si pal. Nè maje kade edi gos dè ndi dè pal’t nè nga le ra’n nyange le danra karè lé. I rai ɓer le nan tede tár ke sei tári nan nga.

Tede ngur nyange ke majelé le danra ute ngur nyange le Ndil-Kem̂nda mbeng a, ngur nyange le Ndil-Kem̂nda ute ngur nyange ke majelé le danra mbeng a tɔ. Gir’n ke nè á sei asikum rai nyange ke kem̂ si ndige nga se ndɔ’n-ndɔ’n lé.

Ke nè á sei rai titeke bè ɓaa, a i rai gute-ndu nga kade maje ɔr njêt. Tede gute-ndu bere mbak nga d’oré nan’t d’ade è ndukunn ke karé bere d’ede nè: «I a tár doo madi titeke i tár’n rai i kuwe bè tɔ.»

Ade jè rai ngur riɓar ke raikarè lé a, ade jè tɔsi nan tà lé a, ade jè rai kem̂kein dè nan’t lé a tɔ.

Krist taa jèi ji ɓer’t inye jèi dɔ ɗarinè tede le kade jè ndii dè jéi pal kerɔte. I ndai dè nja si’t njáng m adi dé tel d’ile kule ɓer kɔbe si’t gugu lé ta.