Popular Bible Verses from Nje Ke Ephese 6

Share

Ḿ-m̀, rɔ ke jè rɔi nga, jè rɔi se dooge ke dè nang nè lé, nè jè rɔi se tɔgmong-ge le ndilge ke majelé ke danrán, se njékonɓeege, se tɔgmong-ge le njèkonɓee tilkus’t a tɔ.

Ɔji tà se Nube dè nyange ke awi ndoo’n se ndɔ si-ndɔ si a, i kɔi nyange gai-gai takul kum ke umi se Ndil-Kem̂nda. I rai bè kum si ke kété-kété m ebi ra si dè’t lé. Ɔgi kum si ɓi ɔji tà se Nube tede njé ke tooi se ninn de malang.

Otoi nyankatege le Nube bere mbak uwei ji si’t tede kade asikum dumi dè gosge le sú, njè kem̂ majelé.

Gir’n ke nè á, otoi nyankatege le Nube uwei ji si’t tede kade ndɔ ke majelé unde loo tee ɓaa utei nin mbeng. Loo ke sei dumi dè ndɔ nè nga ɓá ɓaa, i ndaii dè nja si’t garang-garang.

Adi kundekem̂ è der le si se ndɔge a, se looge malang tede kade undei tà ndon ningege le njè kem̂ majelé ke on por bilim-bilim nè nga soin i tɔli. Taɓai, unni kundekem̂ tchên dè kaje’t ke jɔkɔ kunn banga le si a, unni tà le Nube ke kuye kaskar le Ndil ke ade sei uwei ji si’t mong.

I ndai dè nja si’t dɔ njáng i tɔi ɓede si se ngarankum tà titeke doo tɔ’n ɓede’n se ndar njanm-njanm; ulei nyanra ke se dè naje’n kàde si’t tite kubu rɔ ke nar bè a tɔ. Ilei mber Tà ke Maje se rakɔlé. Rakɔlé le si nga tò asenan se gabang’t ke doo tule njann’t nda’n dɔ ɗàj bè.

I ndai dingem dè kum nan’t bɔk se Kuwe-ɓee se go tɔgmong le’n m le si lé.

«I ɗɔi bɔi se koin tede kade i ndi’n se ranel dè nang nè ke mari-mari.» E ke nè á è ndukunn ke desêin le Nube ɓita kunn-ndu le’n utu go ɓai.

Ngannge, Kuwe-ɓee ndige kade ilei koje dè njékoje sige’t. E ke nè á è nyan ke se go rebe’n.