Popular Bible Verses from Nje Ke Ephese 5

Share

Sei sei ngannge le Nube. Nube tár sei ngain. Bè ɓaa, i ndaji nyanra’n. I njiyei se tár nan titeke Krist tár’n jèi á inye’n ra’n ade Nube tede le jéi è kuwe ke nyan kade noje se nyankuje-mese ke taa kum Nube.

An-in! go pa njiye si sêw-sêw. I njiyei tite njékumkunjuge m i njiyei asenan se njé kem̂ tɔ kuje tà lége bè lé. I pabrai loo ke Nube inye ade sei nga par-par tede ndɔge ke jè ndii tutu ɗarinè nga, ei ndɔge ke majelé.

Adi yibe ule mbe dè si’t lé. Tede yibe aw se doo ke loo nyanra ke pás-pàs’t kade tuju. Nè adi Ndil tá taa kem̂ si pel-pel. Ɔsi page ilei riɓar dè Kuwe-ɓee’t se ngarankem̂ si bere mbak. Ɔsi page ke Ndil á ule tà si’t nga i piti Kuwe-ɓee tede kem̂-maje le’n. Nube Bɔ jéi nga, i rai nin oiyo se ndɔge malang tede nyange malang se ri Kuwe-ɓee le jéi Jésu-Krist.

I ndii sann karè lé, nè i sangi rebe le ger nyan ke Kuwe-ɓee ndige le kade i rai nga tá.

Ngaw dinyege, i tári neen sige titeke Krist tár’n njékebe nange le Nube á inye ra’n è kuwe ade tede le de nga.

Tede kété sei ngannge le loondul, nè ɗarinè ɓaa sei ngannge le lookar takul kum ke umi nan’t bɔk se Kuwe-ɓee nga. Bè ɓaa, i njiyei tite ngannge le lookar bè.

Ulei dè si adi nan tede ɓel ke i ɓeli Ndil Krist nga.

Dinyege, ulei dè si adi ngaw sige titeke ulei dè si adi Krist nga bè tɔ

Gar-gar nanan géa dann si’t à tár neen’n titeke tár’n ra’n bè. Gar-gar, maje kade dinye ɓel ndil ngaw’n.

Titeke dé ndang’n kem̂ Magtub’t d’ede nè: «Gir’n ke nè á dingem à inye bɔ’n se kon’n le kum nan’t bɔk se neen’n, ei joo mbak à teli k’ei danra ke karé bere luk-luk.»

Umi nan’t bɔk se ngannge le loondul dè nyanra de’t lé. Nè è soo’t kade in-in se de dè’t tede kule ra de nga è kule ke maje’n goto.