Popular Bible Verses from Nje Ke Ephese 4

Share

I rai kem̂-maje se nan a, i rai kem̂kanm se nan a, adi kem̂ si tin mbit dè nan’t titeke Nube ade kem̂’n tin’n mbit dè si’t takul Krist.

Ulei dè si adi nan a, awi lom-lom dann nan’t a, ilei kem̂ si pon dè nan’t a, oréi tà si njak dè nan’t se go tár ke Krist tár jèi.

Adi tà ke ete-se karé bè tee tà si’t lé. Maje kade adi tà ke maje ke à ade kundekem̂ le njé ke rang à ra tɔge ke kété-kété á adi tee tà si’t tede kade njé ke ooi ubei maje’n.

Maje kade kumkil kororo se ndáng ra se wong se kɔl nan beng-beng se taje ndu se kem̂yêr ke rara bere mbak nga, i sanrin de dann si’t kɔke.

Ke nè á wong ra sei ɓaa, an-in tá nè a kin-in rai majelé. Maje kade ebi’t ra wong pa ɓita adi kàde ur ɓai. Inyei loo adi sú al ndi dè si’t lé.

inyei go nyanra sige ke mari nga kɔke ta. Nyanra sige ke mari nga uwei ɔri de ra si’t tite kubu ra ndis bè. Sei nga kété ngur libe kum dooge ke rusu kem̂ si njin-njin tuju sei. Nè adi tàgir le si tel ra’n kige se go Ndil Nube. Doo ke kige ke è kum gute tà Nube nga, ulei ra si’t. Doo nè nga ngarankum tà tel’n ke njè ra nyan dè dè naje’n a, ke doo ke tò se ninn’n a tɔ.

I risi ra si nang se ndɔge malang le ngonm kule noje ke Ndil-Kem̂nda tɔ’n sei nan’t nga. Kem̂lom á è kule noje ke Ndil-Kem̂nda tɔ’n sei nan’t neĵ-neĵ.

E è kuwe á uwe noje se dooge ade njé ke nange ei njékawkulege a, ade njé ke karége ei njéribe-dè-tàge ke tà Nube’t a, ade njé ke nange ei njékile mber Tà ke Majege a, ade njé ke karége ke rang ei njékul dooge a, è ade njé ke nange ei njéndó dooge nyan a tɔ. Jésu-Krist ra titeke bè le kade njétaakem̂-Kristge asikum rai kule le de ke ɔje dè de, dè de. Titeke bè á danra Krist à ra’n tɔge ke kété-kété dè kundekem̂’t. Njétaakem̂-Kristge nè nga à rai kule le de ke ɔje dè de, dè de kum de ke kété-kété. E á jèi malang j’à teli k’eei danra ke karé bere luk-luk dè kundekem̂’t a, se dè ger gel Ngonn le Nube’t a tɔ. Jèi malang j’à teli k’eei dooge ke tɔge káng-káng, le maji kɔri njêt tite Krist bè tɔ.

Titeke bè á j’à teli tooi kasi nan se ngannge lé. Tede ngannge nga njé tà ke raikarège se njé libe kum dooge in-in ndói de nyange ke pás-pàs ade ndemi. Ngannge nga tooi asinan se bato ke nel ɔse’n aw se’n yo-yo, nè-nè bè. Ké nè á jè tami ngarankum tà a, jè tári nan se kem̂nda káng a tɔ ɓaa, j’à rai tɔge ke kété-kété dè kum nan’t bɔk se Krist a, dè nyange malang a tɔ. Krist nga è doo dè njékebe nange le Nube.