Popular Bible Verses from Nje Ke Ephese 1

Share

M’deje Nube le kade ade kum ɓengre si gang tchat. Titeke bè á a i geri nyan kundekem̂ tchên dè’t ke è ɓar sei tede nga. Taɓai sei a geri bò ndubra le’n se bò nyan-ndube ke uwe dè nja unde konn tede le njé ke tooi se ninn de. M’deje Nube ɓai le kade ade kum si gang dè tɔgmong le’n ke kile ke nata tede jéi jèi njétaakem̂-Kristge. Tɔgmong ke bò nè nga, è è ke ndɔ ke Nube ade Krist ade unde’n loo tee’n dann njé ke koo’t. Nube ade Krist tɔgmong ke bò nè ade aw ndii’n dè jikonn’t dɔ danrán. Titeke bè Nube unn Krist mbeng unde’n dè njé kunde gir gute-nduge se njétɔgmong-ge se njé kàde bòge se kuwe-ɓeege ke danrán éké ke dè nang nè malang, éké ri ke rara malang ke d’a ɓar dann dooge ɗarinè éké ke ndɔ ke rang nga, Krist dum dè de malang.

Nube tɔr jéi takul Jésu-Krist kété mari ɓita è unde nang nè ɓai. E tɔr jéi le kade jèi dooge le’n ke jè tooi se ninn jéi gai tàkumn’t a, le kade tà karé bè uwe dè jéi nonn’t dè tár ke è tár jèi’t nga lé a tɔ. Nube ɔje kem̂n’t kété mari le tel jéi ke ngann kem̂nge se go tár ke è tár jéi takul Jésu-Krist. E ke nè á è nyan-maje ke è ɔje kem̂n’t njáng se go kem̂ndige le’n.

Takul Krist ke wei ade mese’n an-in nang á j’ingei nyankuge dè jéi ɓee ɓer’t a, Nube ade kem̂’n tin’n mbit dè kaiyage’t le jéi a tɔ. E kem̂noje ke bò ke gar’n goto á Nube uwe se jéi!

Nube Bɔ Kuwe-ɓee le jéi Jésu-Krist nga, maje kade dè’n mong káng-káng. E tɔr ndu’n dè jéi’t takul kum nan’t bɔk le jéi se Jésu-Krist a, è ade jéi nyan-majege gai-gai malang ke ɔje dè Ndil kem̂ danran’t.