Popular Bible Verses from 1 Corınth 3

Share

Naxı̨ sìı Nǫ̀htsı̨ wekǫ̀ laaht'e, eyıts'ǫ Nǫ̀htsı̨ wets'ǫ Įnì Degaı naxıdzeè yìı nàdè hǫt'e wek'èahsǫ-le nì?

Hòt'a yìetł'aà nìtǫǫ sìı dǫ wı̨ı̨zìı yìetł'aà eyıì-le nagohtsı̨ ha nıìle, eyı yìetł'aà nìtǫǫ sìı Zezì-Krı hǫt'e.

Eyıt'à dǫ dèè goyìı t'asìı nèyele, eyıts'ǫ dǫ tı yek'e ayehɂı̨ı̨ sìı t'asìı gı̨ı̨lı̨ı̨ nıìle, hanìkò Nǫ̀htsı̨, t'asìı hazǫǫ̀ dehsheè ayehɂı̨ ts'ıhɂǫ̀ ededı̨ zǫ wet'àaɂà hǫt'e.

Nǫ̀htsı̨ wexè eghàlats'eedaa ats'ı̨ı̨t'e, naxı̨ sìı Nǫ̀htsı̨ wedèè k'e t'asìı dehshee laaht'e, eyıts'ǫ Nǫ̀htsı̨ wekǫ̀ laaht'e.

dànì edılaà ghàlaı̨dàa sìı nǫǫde dzęę̀ k'e wek'èhoedzǫǫ̀ adle ha. Ayìı hòèhtsı̨ı̨ sìı kǫ̀-dèk'ǫ̀ǫ t'à wek'èhoedzǫǫ̀ adle ha, kǫ̀ t'à weèdzà ha, eyıts'ǫ wılaà k'è hoı̨zı̨ nı̨dè wek'èhoedzǫǫ̀ adle ha.

Dǫ wet'à t'asìı dehshee dèè goyìı yelee, eyıts'ǫ dǫ tı yek'e ayehɂı̨ı̨ sìı ı̨łak'aà gılaà gıghǫ̀t'ǫ hǫt'e, eyıts'ǫ ı̨łak'aà dànì edılaà ghàlagı̨ı̨dà k'èxa t'asìı gıghǫ̀t'à ha hǫt'e.

Dànì nànıahdè t'à edeghǫyaahɂà sǫ̀ǫ̀. Dǫ dıı nèè gots'ǫ nàowo k'ę̀ę̀ gohsǫ edeewǫ nı̨dè, ezhı̨ne ladıdle, hanì-ı̨dè sıì gǫǫzǫǫ̀ ade ha.