Popular Bible Verses from Abdías 1

Share

Kawëkar quedaqkunaqa Sión jirkamanmi ratakuyanqa. Tsë jirka sagrädu kaptinmi Jacobpita miraq nunakuna salvakurnin herenciankunata ëlluyanqa.

<<Llapan nación nunakunata juzganäpaq kaq junaq ichikllanam pishikan. Tsë junaqmi nunakunata jipatsiyashqëkinölla qamkunatapis jipatsiyashqëki.

Qamkunaqa qaqakunata uchkïkur wayikikuna rurashqa karmi nuna tukïkäyanki. Altun kaq qaqakunachö tärarmi yarpëkäyanki pipis mana venciyäshunëkipaq kashqanta. Tsënö nuna tukurmi kikikikuna engañakïkäyanki.

Pichaknö më altupa päriyaptikipis y qoyllurkuna këkäyashqanchö punuyänëkipaq rurayaptikipis tsëpita jitarayämushqëkim>>. TEYTA DIOSMI tsënö nin.