Popular Bible Verses from 2 Corintios 6

Share

Wawqikuna y panikuna, musyayashqëkinöpis manam pipis törutawan ashnuta yüguntsu. Tsënöllam qamkunapis Jesucristuta mana chaskikuqkunawan yügukäyankimantsu. Alli rurëpis manam mana alli rurëwan iwalantsu. Aktsi kashqanchöpis paqas manam kantsu.

Tsënöllam Teyta Diospa templunman ïdulukunata tätsiyashqan allitsu këkan. Noqantsikqa wiñëpa kawaq Teyta Diospa templunmi këkantsik. Palabranchömi Teyta Dios nin: <<Pëkunawanmi täräshaq. Pëkunawanmi purishaq. Pëkunapa Diosninkunam kashaq. Pëkunam kuyashqä nunakuna kayanqa>>.

Jina kënöpis palabranchö nikanmi: <<Jutsata ruraq nunakunapita witikuyë. Pëkunapita yarqukuyë. Imatapis impüruyätsikuqkunata ama yatayëtsu. Tsënö kawayaptikim chaskiyashqëki. Qamkunapa tëtëkim kashaq. Qamkunanam wamräkuna kayanki. Llapanpaq poderyuq Teyta Dios karmi tsënö nï>>.

Jesucristupis Belialwan manam käyinakuyantsu. Tsënöllam Jesucristuta chaskikuqkunawan mana chaskikuqkunapis käyinakuyantsu.