Popular Bible Verses from 1 Corintios 15

Share

Tsënö këkaptinqa, kuyë wawqikuna y panikuna, mana qelanëpa y mana ajayëpa Señor Jesucristuta imëpis sirwiyë. Musyayashqëkinöpis pëta sirwiyashqëkiqa manam manakaqllapaqtsu këkan.

Tsënö kaptinpis Señor Jesucristuta kawaritsimurmi Teyta Dios wanïpita salvamantsik. Tsëpita imëpis pëta payllä nishun.

Llutanta ama yarpäyëtsu: mana alli yanasakunaqa alli nunakunatapis mana alli rurëkunamanmi inkitayan.

Tsënö këkarpis Teyta Dios ankupämaptinmi apóstol kä. Wakin apostolkunapitapis masraq Jesucristupa willakïninta willakurmi käyikü Teyta Dios allipaq ankupämashqanta. Imanö kaptinpis Teyta Dios yanapamaptinmi willakïkä.

Wanï, ¡mëchötaq poderniki! Sepultüra, ¡mëchötaq mikukuq këniki!>> Jutsata rurashqam wanï ushakätsimantsik. Jutsapis Teyta Diospa leyninkunapitaran ishkitsimänantsikpaq munëninta chaskin.

Teyta Dios pitapis mana musyatsishqanta musyayänëkitam munä: Manam llapantsikraqtsu wanushun. Tsënö kaptinpis llapantsiktam mushuq cuerputa Teyta Dios qomäshun. Mushuq cuerpuyuqqa juklla tikrarishun ultimu kaq cornëtata tocaramuptinmi. Tsë junaqmi mana ushakaq mushuq cuerpuyuqna wanushqakuna kawariyämunqa. Tsënöllam noqantsik kawëkaqkunapis mushuq cuerpuyuqna tikrashun.

Juk nunalla jutsata rurashqanpita llapantsik wanunantsikpaq kashqantsiknöllam juk nunalla kawarimushqanpita llapantsikpis kawarimunantsikpaq këkantsik. Jutsata Adán rurashqanpitam llapantsik ushakäshun. Tsënö kaptinpis Jesucristo kawarimushqanpitaqa llapantsikmi kawarimushun.

Ushakaqlla kashqantsikpitam mana ushakaqna tikrashun. Wanukuqlla kashqantsikpitam mana wanukuqna tikrashun.

Contrankunata vencishqanyaqmi llapantapis makinchö Jesucristo tsararanqa. Vencirirnam wanïtapis vencinqa.