Popular Bible Verses from Zozué 6

Share

Tawamhã Zozuéhé ma, te Uburé Danhib'apito hã tinha, ãne: — Ma'ãpé waihu'u! Zerico hã wa tô aima tisõ asib'rata, isib'apito hã, duré ite dasi'wapéi 'manharĩ'wa isib'ru norĩ hã.

Tawamhã ta norĩ, pẽ'ẽ hâ sina te te hãsi mono wamhã, te za uburé a'uwẽ norĩ hã sa'ẽtẽ uptabi tizadari za'ra. Tahawa, 'ri nho'õmo 'wawi wa'ra 'rãihâ hã te za waptãrã. Tawamhã hâiba mono bâ awa'awi te za 'ri nho'õmo u hã sisa're, sisisi mono da.

Tahawa a hã, Izaraéu nhihudu norĩ te, dasi'wapéi 'manharĩ'wa norĩ me hã te za misi si bâtâ mono na nasi 'rinho'u hã asõré pese na ropãrĩ za'ra wa'aba mono sina i'uirĩ za'ra wa'aba mo, 6 na bâdâ ihâimana 'remhã.

Ĩte wedehâ're 'manharĩ nhowamhã, te za sasedoti norĩ hã 7 na ai'aba'ré, pone'ẽrebâ zéré mapure si'aibâ õmo na tinhimnhihârâzé hã hâiba mono bâ te te 'wasari sina. Tawamhã a hã, 7 bâtâ ãmamhã ate dasi'wapéi 'manharĩ'wa norĩ me hã te za 'rinho'u 7 na ropãrĩ za'ra wa'aba mono sina asõré pese na asiwi i'uirĩ wa'wa, sasedoti norĩ hã tinhimnhihârâzé te te hãsi mono ré.

'Ri nho'u Zerico te, 'ridawa za'ẽtẽ norĩ hã sitop tete uptabi za'ra di, Izaraéu nhihudu norĩ sisisi tõ da hã. Tahawa ni'wa isébré da hã mare di, duré ni'wa iwatobro da hã mare di, 'ri nho'õmo hawimhã.

Tawamhã oto 7 na te te siwi i'uirĩ zahu zéb ãma sasedoti norĩ tinhimnhihãsizé te te siwi hãsi zahâri wamhã, ma tô a'uwẽ norĩ ma Zozué hã tãma nharĩ za'ra, ãne: — Oto asadari na hã aihãsi aba! Uburé Danhib'apito ma tô oto Zerico hã aima sõmri za'ra wa'wa.

Tahawa, uburé marĩ hã 'ri nho'õmo 're, ihâimana za'ra mono hã te za asiwi i'uprosi 'wa, 'Re ihâimana u'âsi mono ma 're idanhoprub za'ra mono ne. Pi'õ Raabi, sihâiba wa'âbâ zô 're isi'rui mono si te za siwaprosi dâ'â ãna hã tihâiba, duré uburé isõrõwa 're, ihâimana za'ra norĩ zama. E marĩ wa. Õ hã wapsãi'a'wa norĩ wa te isatõrĩ za'ra hã te te simi'uri zahuré wa.