Popular Bible Verses from Zozué 10

Share

Tawamhã bâdâ hã ma tô mazazâ. Duré a'amo zama ma tô mazazâ, tinhitob'ru norĩ na a'uwẽ isi'ruiwa'âbâ za'ra zéb u. Ãhã na ãma irob'ui'éré hã te Zasa na ibaihâ nhisi 'remhã tihâiba. Tawamhã ma tô hâiwa nho'õmo mazazâ bâdâ hã. Tahawa ma tô duré misi bâtâ wahuré na timorĩzéb upana hã tihâiba.

Tawamhã Izaraéu nhihudu norĩ ma, amoreu norĩ ãma Uburé Danhib'apito te te ãma i'ai'uté za'ra zé te te tãma isõmri za'ra zé bâtâ na, ma tô Zozué hã tãma tinha, Izaraéu nhihudu norĩ nho'a, ãne: “Bâdâ, ma'ãpé Gibiã nhisi nho'õmoi baba asimizazâri! Duré a'amo, ma'ãpé Aizarõ na romharé nhisi nho'õmoi baba asimizazâri!”

Niwamhã taha bâtâ na ne iwana hã ihâimana õ, duré niwamhã za ãne hã ihâimana zahu õ, Uburé Danhib'apito aibâ mreme te te iwapari ne hã. Ãne ma tô tiromhâiba, Uburé Danhib'apito, Izaraéu nhihudu norĩ ãma si'wapéi wa.

Tawamhã Uburé Danhib'apito, te Zozuéhé ma tinha, ãne: — Ã hã apito norĩ ma hã aipahi za'ra tõ. Wa hã wa tô aima sõmri siromo za'ra, asib'ratamhã. Tahawa ta norĩ hã tihâiba na te te aima wa'rãmi waihu'u za'ra õ di za.

Tawamhã Zozué te duré ãne tãma nharĩ za'ra: — Aipahi za'ra wa'aba tõ. Duré aiwi robzei'õ za'ra wa'aba tõ. Asiptete za'ra wa'aba, duré asib'ru za'ra wa'aba. E marĩ wa. Uburé Danhib'apito te za ãne hã tinhitob'ru norĩ ma te te 're a'manharĩ, uburé za asiwi 're i'wapé za'ra wa'aba mono norĩ ma.