Popular Bible Verses from Zozué 1

Share

Ĩnhimirowaihu'u na aima hã, ma'ãpé ãma aipo're pu'u: “Asiptete, duré asib'ru na! Aiwi robzei'õ tõ, duré aipahi tõ! E marĩ wa. Wa hã Uburé Danhib'apito, ate 'Re ihâimana u'âsi mono, nimomo 're ane mono sidâpâsi, wa za asiré 're ĩhâimana.”

Ma'ãpé ãma irob'ui'éré na hã õne u'â ãma 're aimreme mono. Bâtâ na hã duré mara na hã ãhã ibaihâ na ãma 're romnhoré mono, ãma 're asiptete mono wa, uburé ãma irob'ui'éré zarina asina ãma 're uwaimrami mono da. Tawap si, te za 're i'aihâimana mono wẽ zé hã asina 're i'uwaimrami mo.

Tô asiptete, sada asib'ru uptabi duré. Taré oto ãma pibui pese, ĩma romhuri'wa Mozési, ĩnhimiroti uburé te te aima isõmrizéb zarina si ãma 're aihâimana mono da. Ĩnhimiroti te te aima isõmri wi hã 're aipizari mono tõ. Tawamhã ãne wamhã nimomo 're ane mono sidâpâsi, te za 're i'aihâimana mono wẽ zé hã asina 're i'a'uwaimrami mo za.

Tawamhã niwamhã da te ai'ãma i'ai'uté da hã mare di za. E marĩ wa. Wa hã za asiré 're ĩhâimana u'âsi mono wa, Mozésihi siré 're ĩhâimana mono ne. Niwamhã te airẽme õ di za.

Asiptete, duré asib'ru na, a hã za ã hã a'uwẽ norĩ hã simroi mono dâ'âsina, ti'a te te siwi âri da hã, ihi'rata norĩ ma, te tãma ãma iropisutu za'ra hã.

Mozésihi ma, te iropisutuzéb zarina, wa za uburé pese ti'a za 're iwati'i za'ra wa'aba mono hã aima sõmri za'ra wa'wa.

— Ĩma romhuri'wa Mozési hã ma tô dârâ. Tahawa te za ãhã na a hã, uburé Izaraéu nhihudu norĩ me asima irob'ubumro za'ra wa'wa za, Zodã pa panho'u â za'ẽtẽ na saprĩ za'ra wa'aba da, ti'a za te aima isõmri za'ra wa'aba zéb u asisisi aba da.

Tawamhã Mozési, Uburé Danhib'apito ma romhuri'wa, dâ'â parimhã, ma tô 'Re ihâimana u'âsi mono hã ipawapto'wai ma, Zozué na isisi, Nuhu 'ra ma tinha ãne

Ãne asipti'a zada'ré mono hã za: Hâiwa nhimire niwĩmhã, rop si 're irosa'wari mono u isada'ré hã; hâiwa nhimi'e niwĩmhã, ẽne Libanu na isisi u isada'ré hã; bâtâ pusizém niwĩmhã, panho'u â isa'ẽne Eufrati na isisi u isada'ré hã; uburé hitita norĩ nhipti'ai u zama isada'ré hã; duré bâtâ zasizém niwĩmhã â poré u isada'ré hã.

Tawamhã duré ni'wa hã te te i'aimreme wapari õ zarina, siwa'ru asimirowaihu'u wi sipi'rai wamhã, te za wĩrĩ ni. Tahawa asiptete na si, duré asib'ru na si hã aihâimana mono za.

— A'uwẽ norĩ romhâ 'manharĩ na 'ri te te sima isõré mono wa'waibaba, ma'ãpé ropéi wa'aba mono, ãne tãma waihu'u za'ra wa'aba mono da: “Dasa norĩ hã ma'ãpé asiwi ubumroi wa'aba mono, si'ubdatõ bâtâ na ã hawimhã za aiwairébé aba wa, Zodã pa â na saprĩ za'ra wa'aba da, Uburé Danhib'apito ate 'Re ihâimana u'âsi mono 'wa, ti'a za te te aima isõmri za'ra wa'wa, asiwi âri aba da hã.”