Popular Bible Verses from Isaías 62

Share

Ndoje'e mo'ã véima nde rehe, “Ojeheja rei vaekue”, ha nde yvýre, “Oñemoperõ vaekue”. Reñembohérata uvei “Che rembiayhu”, nde yvy katu, “Che rembireko”. Ndétagui Ñandejára rembiayhu, ha nde yvy hembireko.

Jerusalén, nde korarapy jere kuérape amoĩ ma'ẽ mombyryhára ára ha pyhare he'i mantéva: “Ani pekirirĩ peẽ pehenóiva Ñandejárape, ani peheja opytu'u omopu'ã jey peve Jerusalén, ha ombojurujái mayma hese oma'ẽvape.”

Ndéta Tupã nde Jára pópe, mburuvicha guasu akã rehegua jeguaka porãicha, mba'e vera isyva rehe guarãva.

Peteĩ mitã rusu hembiayhúre omendaháicha, upe nde apo jeýva omendáta nde rehe. Ha hembireko ndive iména ovy'aháicha Ñandejára ovy'áta ne ndive.