Popular Bible Verses from Isaías 60

Share

Epu'ã Jerusalén, mimbipápe ejaho'i, péina oguahẽma nde resapeha ha Ñandejára reko mimbipa hendy nde ári!

Tetã nguéra oúta nde resapeha gotyo, ha mburuvicha guasu kuéra ne ko'ẽju mimbi gotyo.

Pyhare yvy ojaho'i, ha tetã nguéra pytũme oñeñuã, Ñandejára katu nde ári ojajáita, ha heko mimbipa nde ári ojechaukáta.

Pe michĩvéva tuichavéta ha pe mbovýva hetavéta, chugui oikóta tetã guasu. Che, opa mba'e Jára, pya'e ha hi'ára itépe ajapóta.”

Nereikotevẽ mo'ã véima nde resapehára kuarahy arakue ha jasy pyharekue, che, nde Jára, ha'étagui nde resapeha opave'ỹva. Che, ne Tupã, ha'éta ne mba'e rendy omimbipáva.

Nde kuarahy ndoike mo'ãi araka'eve ha nde jasy rendy ndogue mo'ãi, Che, nde Jára, ha'étagui ne mba'e rendy opave'ỹva. Opaitéta umi ára ao hũ remonde hague.

Nde rehechávo chupe kuéra revy'a itereíta, nde py'a renyhẽta vy'águi. Oguerúta hikuái ndéve mba'e repyeta tetã mombyrýgui. Ome'ẽta hikuái ndéve heta mba'e tetã nguéragui oguerúva.

Ejesaupi ha ema'ẽ nde jere kuévo: opavave oñembyaty ha ou ne renda gotyo. Ne memby kuimba'e oúta mombyrýgui, ne memby kuña ojererúta jyva ári.

Tapicha joheipyréta che retãgua maymáva. Ha imba'e kuérata hetã opa árape guarã: yvyra roky, che voi añotỹ vaekue, peteĩ mba'e che po teépe ajapo vaekue che reko mimbipa ahechauka haguã.

Ne retãme noñehendu mo'ãvéi ñorãirõ ryapu, ha ndoiko mo'ãvéi ñehundi ha tapere nde reikohápe, oñembohérata uvei nde tápia kuéra ‘Ivaívagui ñesẽ’ ha ne rokẽ nguéra ‘Jererohory’.

Ne rokẽ nguéra ojepe'a mantéta. Ára ha pyhare noñemboty mo'ãi, ikatu haguã ojegueru ndéve tetã nguéra mba'e repy ha umi huvicha guasu oisãmbyhýta chupe kuéra.

Kamélloita Efá ha Madiángui oúva nde aho'íta, Sabagua ou joáta, imbayru kuéra henyhẽ óro ha insiénsogui, omombe'u joávo imombe'upyrã Ñandejára ojapóva.

Mombyrygua omopu'ã jeýta nde korarapy jere kuéra ha umi huvicha guasu, ne rembiguáita. Jepe ipochy rendýpe ne nupã ra'e Ñandejára, ko'ágã ipy'a porãgui nde poriahurereko jey.

Nde ndaha'e mo'ã véima ojeheja vaekue, ja'e'ỹha ha ha'eño rei oikóva, romyakã rapu'ã uveíta opa árape guarã, ha ndéta upe manté ojevy'aha.

Tetã nguéra ome'ẽta ndéve hi'upyrã iporãvéva, mburuvicha guasu kuéra katu oguerúta ndéve imba'e repyeta. Ha rehecha kuaáta che, opa mba'e Jára, ha'eha upe ivaívagui nde pe'áva, Che, Jacob Jára ipu'akapáva, ha'eha pe ne sã omondohóva.