Popular Bible Verses from Kalatia 4

Share

O atali‘i ‘outou, o le mea lea ‘ua ‘auina mai ai e le Atua le Agaga o lona Alo i o ‘outou loto, e vala‘au. “Ava, Le Tamā e.” O lea ‘ua lē toe fai oe ma pologa, a o le atali‘i; ‘ae ‘āfai o le atali‘i, o le suli fo‘i ‘ona o le Atua.

A ‘ua o‘o atu i le fa‘a‘atoaga o tausaga, ‘ona ‘auina mai lea e le Atua o lona Alo, ma fānau i le fafine, na fānau ‘ua nofo i le tulafono; ‘ina ‘ia fa‘atau mai e ia ē na nofo i le tulafono, ia ‘avea i tatou ma atali‘i.

a o nei ona pō ‘ina ‘ua ‘outou iloa le Atua, pe sili pe a fa‘apea ‘ina ‘ua iloa lava ‘outou e le Atua, pe fa‘apefea ‘ona ‘outou toe liliu i matā‘upu muamua e vaivai ma fa‘atauva‘a, ‘ua ‘outou toe manana‘o ‘ea ia ‘outou toe nofo pologa i ai?