Popular Bible Verses from TAHINGA 20

Share

“Inê nga ka na Araha. Inê nga kanigê bêngenigamu hura tenia i Esipito, na agua ni hagamamasiaganiha. Siana kamu hagarapea na ataro. Mu rahesiê inê nga hete.

Siana kamu tahegi na nununi na marâ i vavearo, se i ano, se i ve i ruguhana na maveta, hanana vigamu rahesigi. Siana kamu bêtuhia se rahesia na anima na nununa na ataro, suria inê nga ka na Araha God iami. Siana hagetage kamu hagarapera na ataro. Inê kê page hagaitangira na enoni hato ga murisigeê, ngaira ma na apaparaha iata mataro me na oruta ma na heta na apaparaha.

Mu hagahigasia o vaemami ma kenami, hanana igamu kamu mauri arihu igê na agua, gê page haganahunigamu renia.

Mu hagahigasia na tangiana ni mamaroha, ma kamu marupegi na ramata igê.

Siana kamu visia na ataku tangagi na tarani ga pe koro, suria inê, na Araha God iami, kê page hagaitangia na enoni i katokato vikana.

Mu girara mu tagara surigi na tangiani ge ono, ma na pita na tangiana ki na tangiana nga ni mamaroha ma ki na aniku. Igê na tangiana ngekana ki apu hagetage, vigamu tagara igê, igamu, na enoni vurivuri iami, na togoha iami ma nikâ na mamahuara ga oga i berarogami.

Siana kamu tenia na ruma iana na enoni. Siana kamu tenira na gete êragi, se na kare vurivuri, se na puruka se na tonki, se na ani mavê na nahuninga iana ta na enoni.”

Siana kamu hagatoraia na enoni.

Siana kamu gamogamo.

Siana kamu nahunahu hunia na enoni.

Siana kamu hanago.