Popular Bible Verses from Filipenses 1

Share

Qaq aỹem ỹataqta 'eesa ñaqa'en da Ñim Lo'onatac 'Enauacna maye chegoqchigui da qami' ỹo'oteque da no'on dalaxaic qarataxaqui. Ñimaye queto'ot da ỹo'ottac de'era, choche iviraxatta'a ca na'a'q qom ñe'eguelaq So Jesucristo.

Qataq naxa da ñeqouagaxaueetac, qalaq seỹaxaatacot Ñim Lo'onatac 'Enauacna da qami' nquigaxatta'agueta da ỹataqta qanauochiỹa't, qataq ỹataqta qauaỹaañita ca no'on, qataq qauauattoñiita ca 'eesa lataxac, yaqto' ishet da qauaỹaañi da qalca'aiua'a ca ỹataqta no'on. Yaqto' da ivita da ñe'eguelaq So Jesucristo, nache qaica ca qarasouaxashechi, qataq qaica ca qami' ỹasaxaleguete ca qarasouaxashechi.

Cha'aye da ñaq ñeca'altauec, nache sauotaique da nachaqsota So Cristo da so'onataxaatacot, qaq da seleu nache damaye maiche ỹauegaxanaxac.

Aỹem naxa da tachigui ye iuel da qoñiita, nache qaltaq saatacot da ña'achecỹaxac Ñim Lo'onatac 'Enauacna.

Qaq nachaqrato' da qanpogoxoiñiỹapegue' da yaqto' da qarataxaqui nateeteguet da lapaxaguenataxanaxac So Cristo. Qaq yaqto' qom qami' sevitalo, huo'otaq da saishet, qalaxaye ñaqaiyeta ñeshetaique da aỹem nvira'a qome ca ỹa'axaỹaxac da qoñiita da saishet da qanañaxañiiñi, qataq da qanhuooñeta't, qataq da qanaỹaañeta't da qauloquiitapeguelec da qaua'axacheetac da no'on na'axaỹaxac.

Aỹem huo'o da ñaquitaxac qataq ỹataqta lta'araic da iyaxa, da yaqto' saishet da sevireguet ca ỹa'aloxo, nacherata da ỹachegoxotchigui aỹem da ỹachaxan da la'amaqchec So Cristo, nagui da ñaq ñeca'altauec huo'otaq qom mashe seleu.

Ñim Lo'onatac 'Enauacna qami' ỹanema da lta'araic qana'achecỹaxaqui da qaupi'iỹa'ai So Cristo. Qaq ỹoqo'oye na'aictaxa da huo'o da qanque'eenaxaqui souaxat da qaua'amaqchiñi Ñim Lo'onatac 'Enauacna.