Popular Bible Verses from Jon 21

Share

Ka doŋ gicamo otum, Yecu openyo Cimon Petero ni, “Cimon wod pa Jon, in imara makato jo-ni?” En ogamo ni, “Iyo, Rwot, in iŋeyo an amari.” Ocike ni, “Kwa litino romina.” Openye tyen me aryo ni, “Cimon wod pa Jon, in imara?” En ogamo ni, “Iyo Rwot, in iŋeyo an amari.” Ocike ni, “Gwok romina.” Dok openye tyen me adekke ni, “Cimon wod pa Jon, in imara?” Petero okumo pien openye tyen me adekke ni, “Imara?” Owacce ni, “Rwot, in iŋeyo jami ducu; in iŋeyo an amari.” Yecu ocike ni, “Kwa romina.

Adada awacci ni, ka ceŋ in pud awobi, itweyo boŋoni keni, iwoto ka ma imito; ento ka doŋ iti, ibiryeyo badi, ci ŋat mukene bitweni boŋoni, biteri ka ma pe imito.”

En owaccigi ni, “Wubol obwo tuŋ malacuc me yeya. ci wubinoŋo.” Gubolo, tiŋo obwo oŋayogi pi pol rec.

Cimon Petero owaco ki gin ni, “Acito ka mako rec.” Gugamo doge ni, “Wan wacito kwedi.” Gucito, gudonyo i yeya; ento i dyewor meno pe gumako gin mo.