Popular Bible Verses from Dt 10

Share

“Ut anaqwan, at Israel, k'aru naxtz'aama chawu li Qaawa' laaYos naq nakak'oxla? Li rajom li Yos a'an a'in: naq taawoxloq'i li Qaawa' laaYos ut taataaqe chixjunileb' li xb'e. Chara li Qaawa' laaYos ut chatk'anjelaq chiru chi anchal aach'ool, chi anchal aawaanm; chapaab' li xchaq'rab' li Qaawa' ut li xtaqlahom li yookin chi xyeeb'al aawe anaqwan, re naq us wanqat.

Li Qaawa' leeYos a'an li Nimajwal Yos, Qaawa' sa' xb'een chixjunileb' li awab'ej; a'an li Yos nim xwankil, q'axal kaw rib' ut xiwajel ru, li juntaq'eet narileb' chixjunil ut ink'a' naxk'ul ru tuminaak.

“K'ehomaq sa' leech'ool li reetalil li Sumwank ut meekawub'resi chik leejolom.

A'an na'ilok reheb' li maak'a'eb' xna' xyuwa' jo' ajwi' eb' li xmalka'an; naxra li jalaneb' xtenamit ut naxk'e xwa ruk'a'eb' jo'wi' li raq'eb'.

Chanima ru li Qaawa' xb'aan naq A'an laaYos, ut aawilom chik rik'in aawu li xninqal b'aanuhom ut li sachb'ach'oolej kixb'aanu sa' aak'ab'a'.

“A' li Qaawa' laaYos taawoxloq'i ut ka'ajwi' chiru A'an tatk'anjelaq; wanqat rik'in A'an chi junelik ut ka'ajwi' sa' xk'ab'a' A'an taab'aanu jurament.

K'e reetal: li Qaawa' laaYos a'an laj eechal re li choxach'och' ut chixjunil li wank chisa'.

Jo'kan utan, cherahaq laj ab'l tenamit, xb'aan naq laa'ex ajwi' aj ab'lex naq kexwank chaq sa' li tenamit Ejiipt.