Popular Bible Verses from Romanos 9

Share

Napoaton co canpoara nohuanton, Yosë huëntonënquë yaꞌconëhuahuëꞌ. Noya nipirëhuahuëntaꞌ, co canpoara nanitërëhuahuëꞌ yaꞌconacasoꞌ. Inaora nohuanton, Yosë ayaꞌconinpoaꞌ. Nosoroatonpoaꞌ, ayaꞌconinpoaꞌ.

Iráca Yosëri Moisësë itërin: “Caora nohuanto, nosororahuë. Insosona nohuantohuato, huayonahuë,” itërin.

¿Maquëma cháchintaꞌ niꞌtomaꞌ, nanitëramaꞌ Yosë chachin pinocamasoꞌ? Niꞌcoꞌ. Piyapi tëshitohuachina, minëꞌ, huëꞌëta, inapita ninin. Nipachina, co tëshiri huaꞌanën noꞌhuirinhuëꞌ. “¿Onpoatontaꞌ naponin ninanco?” co itërinhuëꞌ.

Inaora nohuanton, aꞌnaquën nosororin. Aꞌnaquënso nipirinhuëꞌ tananpitërin. Tananpitohuachina, co natantochináchinhuëꞌ cancantopi.

¡Coꞌta tëshitonaꞌpi noꞌpaꞌ mapachina, maꞌsona nohuantohuachina, ninin! Nohuantohuachina, aꞌnaquën ninshirayarin. Aꞌnaquënsoꞌ topinanaya. Inapochachin Yosësoꞌ yonquirinpoaꞌ.