Popular Bible Verses from Números 22

Share

Naporoꞌ Sinioro nohuanton, moraso nonin. Nonsahuaton huaꞌanën itapon: —¡Carinquënsoꞌ, co maꞌsha onpotopiranquënhuëꞌ! Quëmaso isoarëꞌ, nani cararo huihuiranco, itërin.

Naporoꞌ Sinioro nohuanton, Paramonta Yosë anquëninën quënanin huachi. Sahuëni sëꞌquëaton iraquë huaniárin quënanin. Ina quënanahuaton isonin. Isonin quëran noꞌpaquë huarëꞌ monshorahuaton, mosharin.

Sinioro anquëninënisoꞌ itapon: —Co cara cararo moranën huihuicasohuë nipirinhuëꞌ. Co noyahuëꞌ nicacasoꞌ yonquiran niꞌton, carinquën toꞌshitëapiranquënhuëꞌ.

—Iráca quëran huarëꞌ quëparanquën nipirinhuëꞌ, co poꞌtochinanquënhuëꞌ, itaantarin moranëni. —Naporin mini nipirinhuëꞌ, taantarin Paramo.

—Co yanatërancohuë niꞌton, napotëranquën. Sahuëni yaꞌhuëtërinco naporini, nani tëpaꞌitënquënhuëꞌ, itërin.

Moraso naquëranchin Sinioro anquëninën quënaantarahuaton, quëhuënin huachi. Co onpo pëshonacasohuëꞌ niꞌton, naporin. Napohuachina Paramosoꞌ, naquëranchin moranën noꞌhuiton, huihuiantarin.