Popular Bible Verses from Rom 13

Share

Mat enay hap'ota aka'tshayajcha tä häpe Lhawuk Jesucristo, wet yej lewo w'eta anech'ethayajay tä ni'isachehen.

Isit'a che elh tujlha ame'pe m'ayek, tajlhama ahumnhayaj. Tsi elh tä ihumin elh, häp tä iwoye Ley p'ante tälhe Moisés.

Is chik nilhokej wichi tach'ahuye niyatey tä iche, tsi Dios t'at tä itihi leniyatyajay wet len'ohyaj tälhe.

Honatsi yik t'at, tott'a alhoho ifwala. Tä mälhyejtso, n'atiyej kanhi lhakeyes tä tälhe honataj, wet n'athat lhamejen n'oka'tshayajchal tä y'ehi isi.

Häp elh tä lehumnhayaj ihi ihanhiyejt'a che iwit'äyen elh. Tä mälhyejtso, tä ohumin oelh, häpe t'at tä owoye Dios lhämtes tä häpe Leytso.

Tä mälhyejtso, tiskanpe m'ak tä t'uhawetej che letiskanpe. Che häpe impuestos, wo lahaya. Wok niyat t'alheje m'ayek wichi, w'enho t'at. Wok elh che t'uhawetej che lhen hin'oya, ene t'at. Wok elh che t'uhawetej che lewunit, wunit t'at.