Popular Bible Verses from 2 Corintios 6

Share

Saniniuujia, maja Pueyaso tojiyashijiaca pueya nia paniniu, nojori nia cojiniuria. Naajuhuaj, maja cutaraari nia caminiu Pueyaso tojiyashijiata, niaa mariqui rimiajata quijiaca quiriiri. ¿Maninia miijiatucua shuquiriaatia quijia quiriquia, sesa miijiata na quishacari? Maja. Cua riucuareto pueyanaa. ¿Cuhuashiqui quijiateeri na naata juhuajaniya jatiqui quiniu ninishiqui quijiata? Maja na naata.

Paa jaara Pueyaso quiquio quirini, ¿paateeri Pueyaso quiquiojinia shanacunutaniya samaruhua tiuquitianura tiini? ¡Maja! Paacuajaari pueyaracaanu Quijia Pueyaso quiquioni. Na pueyara na sequesanocuajaari naa naajiotasano quiya: “Janiyari nojorijinia quiriquianoni. Janiyari nojori tajinia rucuanejonutaniyani. Janiyari nojori Jiyaniijiajanaa quiniutianiyani. Nojoriiri cua pueya quiniutianiyacujua”.

Cunora, pa Jiyaniijiaari na pueya sequeya: “¡Cua tojitiaashijiaca pueya tajiniji nia pacure! Nia shiriquiri tamocora nojoriicuaji. Majaari sesa casaa nia saniniu paniniu. Niaa jaara cua tojijiaca quiri, janiyari nia jiyatenutaniya quirianoni. Janiyari nia Que quiniutianiyani. Naacuajitij, niaari cua niquiohua quiniutianiya. Naa sequeyanijia, puetunu cumaacaracajanaa cua quiniuucua”.

Seetanujuanaa pueyanaa, Cristoori maja Sesaaca rupuena. Naajuhuaj, Pueyasoocua tiuujia pueyanoori maja na naata maninia rupuetoonu Pueyasoocua tiuyashijia pueyanota.