Popular Bible Verses from 1 Samel 2

Share

Njerɔkunda gə́ to as səi-i Njesigənea̰ kára kara godo. I ya to Ala kára ba Ɓó yeḛ gə́ raŋg godo. Biri mbal gə́ to to gə́ i Ala lə sí bèe lé godo.

Yeḛ ɔr njendoo dan babur’g ləm, Yeḛ ɔr njenékəmndoo dan siḭ néje’g ləm tɔ Mba kar dee d’isi gə njériɓarje na̰’d. Nénduba gə́ yeḛ ar dee lé To kalimbai ka̰ rɔnduba. Mbata gaji-ŋgɔ-kagje gə́ gəd ne naŋg neelé To ka̰ Njesigənea̰ Ndá yeḛ nja unda naŋg nee dɔ dee’g tɔ.

Yeḛ a tɔs kəmee dɔ panjaa njé’g ləa’g Gə́ yeḛ unda dee dan kəmee’g, Nɛ njémeeyèrje d’a tuji pugudu-pugudu Dan loo gə́ ndul njudu-njudu’g. Mbata dəw lé askəm kun baŋga Gə goo siŋgamoŋ ləa-yeḛ el.

Njesigənea̰ ar dəw tel to njendoo ləm, Yeḛ ar dəw to bao ləm tɔ. Yeḛ ar dəw ula dəa ləm, Yeḛ ar dəw unda dəa tar ləm tɔ.

Njesigənea̰ to njekar dəw wəi ləm, To njekar dəw si kəmba ləm tɔ. Yeḛ ar dəw aw ɓee’d lə njé gə́ d’wəi ləm, Yeḛ aree unda loo teḛ ləm tɔ.