Popular Bible Verses from (Evangelio según San Marcos) 10

Share

Wagki Aentsmaga akiinauwa duka umigtuktinme tusag taachui, tikich aidaun yaigtatus tauwai, ni mantamna kuashat aentsun uwemtikata tau asa, tiuwai.

Tiagtai Jesús ditan diis chichajak: —Aents diismak dutikmaitsui, tujash Apajuiyaig nuninchauwai, wagki Apajuik ashí wají aina nunak dutikmainai.

Tutai Jesús: —Wetá, ame dekaskeapi tabaugmin tsagajume, tiuwai. Tusá tamawaik wainmakui, nunik Jesús wetai niishkam weuwai.

Nuadui aatus Apajuí dutikamua nunak aentsuk datupaumainchau ainawai, tiuwai.

Tutai Jesús wait anenmain diisui, nunik chichajak: —Makichik umimain ajutjame: wetá, nunikam ashí amina ajutjamaina duka sujukam ujunauch aina nu susata. Nu dutikawamin nayaimpinum wajiigmik ajutjamtinai. Nu dutika ukuakum waitiakmesh atsanjam nemagtukta, tiuwai.

Nunikmatai Jesús iniak: —¿Minash utugtukti tusamea wakegame?, tau. Tama wainmachu ayaak: —Maestroh wainmaktasan wakegajai, tau.

Tujash atum ainajum anuiyag nuninuk amaitsui; dekas apu atatus wakegauk atum ainajum anuiyag tikich aina nuna umijin amainai.

Dekas tajime: Aents aidau, uchi mina anentaimjutuina imanis anentaimjutuinachuk, Apajuí inamak amain ainatsui, tiuwai.

Tujash kuashat aents dekatkau atatus wakegaina nu ukunum juwakagtinai. Untsu iman atan anentaimtumachu aina nu dekatkauk agtinai.

Tujash yama nagkamchaku najanbaunmag Apajuik aishmagkun nuwajai najanauwai. Dutikamu asag aishmag nuwenkug apajin, dukujin ukuak niina nuwejaig ijunmainai, nuniak nuwejai makichik iyash wegawai. Nunin asa jimagchauwai, makichki.