Popular Bible Verses from فِلِبِّي 2

Share

وَ مَا تِسَوُّوا شَيّءْ مِنْ الْحُسُدْ وَ الْإِسْتِكْبَارْ. خَلِّي أَيِّ وَاحِدْ يِمَسْكِنْ نَفْسَهْ وَ يِشِيفْ أَخْوَانَهْ أَخَيْر مِنْ نَفْسَهْ. خَلِّي أَيِّ وَاحِدْ مَا يِفَكِّرْ فِي الشَّيّءْ الْيِجِيبْ فَايْدَةْ لَيَّهْ هُو وِحَيْدَهْ بَسْ، لَاكِنْ خَلِّي يُخُطّ بَالَهْ فِي الشَّيّءْ الْيِجِيبْ فَايْدَةْ لِلْآخَرِينْ.

الْفِكِرْ الْإِنْتُو وَاجِبْ تِتَابُعُوهْ، هُو نَفْس الْفِكِرْ الْعِيسَى الْمَسِيحْ تَابَعَهْ.

مِنْ أَوَّلْ هُو عِنْدَهْ طَبِيعَةْ اللّٰهْ لَاكِنْ مَا دَوَّرْ يَمْسُكْ لِنَفْسَهْ قُدُرْتَهْ الرَّبَّانِيَّةْ. بِالْعَكْس، هُو خَلَّى مِنَّهْ كُلَّ شَيّءْ وَ سَوَّى نَفْسَهْ مِثِلْ عَبِدْ وَ قَصَّدْ يَلْدَوْه وَ يَبْقَى إِنْسَانْ. وَ وَكِتْ بِقِي نَادُمْ، هُو مَسْكَنْ نَفْسَهْ وَ بِقِي طَايِعْ لَحَدِّي الْمَوْت وَ قَصَّدْ يُمُوتْ مَوْت شَيْن فِي الصَّلِيبْ.

أَشَانْ اللّٰهْ هُو الْقَاعِدْ يِسَوِّي عَمَلَهْ فَوْقكُو وَ هُو يَنْطِيكُو النِّيَّةْ وَ الْقُدْرَةْ لِتِسَوُّوا الشَّيّءْ الْعَدِيلْ الْيَرْضَى بَيَّهْ.

أَشَانْ دَا، اللّٰهْ رَفَعَهْ فَوْق مَرَّةْ وَاحِدْ وَ أَنْطَاهْ أُسُمْ عَالِي مِنْ كُلَّ الْأَسَامَيْ لَحَدِّي أَيِّ وَاحِدْ يِشَرِّفْ أُسُمْ عِيسَى فِي السَّمَاءْ وَ فِي الْأَرْض وَ تِحِتْ الْأَرْض وَ يَرْكَعْ قِدَّامَهْ. وَ لَحَدِّي أَيِّ وَاحِدْ يَشْهَدْ وَ يُقُولْ كَدَرْ عِيسَى الْمَسِيحْ هُو الرَّبّ وَ يِمَجِّدْ اللّٰهْ أَبُوهْ.

فِي كُلَّ شَيّءْ مَا تَشْكُوا وَ لَا تِهَارُجُوا أَمْبَيْنَاتْكُو. أَشَانْ تَبْقَوْا نَاسْ بَلَا خَطَا وَ بَرِيِّينْ وَ تِعِيشُوا مِثِلْ عِيَالْ اللّٰهْ بَلَا عَيْب فِي أُسُطْ النَّاسْ الْفَسْلِينْ وَ عُوُجْ هَنَا الدُّنْيَا دِي. وَ تَبْقَوْا فِي أُسُطْهُمْ نُورْ مِثِلْ النُّجُومْ فِي الْعَالَمْ الْأَضْلَمْ

فِي شَانْ كُلَّ الْكَلَامْ دَا، يَا أَخْوَانِي النِّحِبُّكُو، أَسْمَعَوْا كَلَامِي. وَكِتْ أَنَا مَعَاكُو، إِنْتُو دَايْماً تِتَابُعُوا كَلَامْ اللّٰهْ. وَ هَسَّعْ وَكِتْ أَنَا مَا مَعَاكُو، وَاجِبْ تِتَابُعُوهْ بِزِيَادَةْ. جَاهُدُوا بِخَوْف وَ رَجِفِينْ لِتِسَوُّوا كُلَّ شَيّءْ الْوَاجِبْ لِلنَّاسْ الْاللّٰهْ نَجَّاهُمْ.