Popular Bible Verses from خُروج 32

Share

وَ وَكِتْ الشَّعَبْ شَافَوْا مُوسَى مَا نَزَلْ لَيْهُمْ عَجَلَةْ مِنْ الْجَبَلْ، هُمَّنْ جَوْا لِهَارُونْ وَ قَالَوْا لَيَّهْ: «قُمّ سَوِّي لَيْنَا صَنَمْ نَعَبُدُوهْ. وَ يُقُودْنَا فِي مَشِينَا أَشَانْ النَّادُمْ الْيُقُولُوا لَيَّهْ مُوسَى دَا، هُو بَسْ الْمَرَقَانَا مِنْ بَلَدْ مَصِرْ وَ لَاكِنْ هَسَّعْ دَا، مَا نَعَرْفُوا شُنُو الْبِقِي لَيَّهْ.»

وَ فِي الْبَكَانْ دَا، اللّٰهْ قَالْ لِمُوسَى: «قُمّ أَنْزِلْ أَشَانْ شَعَبَكْ الْإِنْتَ مَرَقْتُهُمْ مِنْ بَلَدْ مَصِرْ تَلَّفَوْا خَلَاصْ. وَ عَجَلَةْ كَيْ بَسْ طَلَقَوْا الدَّرِبْ الْأَنَا أَمَرْتُهُمْ بَيَّهْ وَ صَنَعَوْا لَيْهُمْ صَنَمْ هَنَا عِجِلْ وَ سَجَدَوْا قِدَّامَهْ. وَ قَدَّمَوْا لَيَّهْ ضَحَايَا وَ قَالَوْا: ‹يَا بَنِي إِسْرَائِيلْ، الصَّنَمْ دَا بَسْ إِلٰـهْكُو الْمَرَقَاكُو مِنْ بَلَدْ مَصِرْ!›»

وَ وَكِتْ هَارُونْ شَافْ الشَّيّءْ دَا، بَنَى مَدْبَحْ قِدَّامْ الْعِجِلْ. وَ حَجَّى لِلنَّاسْ وَ قَالْ: «أَمْبَاكِرْ عِيدْ لِإِلٰـهْنَا!» وَ أَمْبَاكِرْ بِفَجُرْ، هُمَّنْ قَدَّمَوْا ضَحَايَا مُحَرَّقِينْ وَ ضَحَايَا سَلَامَةْ. وَ بَعَدْ دَا، أَكَلَوْا وَ شِرْبَوْا وَ قَمَّوْا يَلْعَبَوْا.

وَ أَمْبَاكِرْ بِفَجُرْ، مُوسَى قَالْ لِلشَّعَبْ: «إِنْتُو سَوَّيْتُوا ذَنِبْ كَبِيرْ. هَسَّعْ دَا، أَنَا نَرْكَبْ الْجَبَلْ وَ نِسَوِّي لَيْكُو كَفَّارَةْ. أَكُونْ اللّٰهْ يَغْفِرْ لَيْكُو ذَنِبْكُو.»