Popular Bible Verses from جامِعة 8

Share

خَلِّي النَّاسْ يِعِيشُوا بِفَرَحْ أَشَانْ أَخَيْر لِلْإِنْسَانْ يَلْقَى الْأَكِلْ وَ الشَّرَابْ وَ الْفَرَحْ. وَ دَا يُكُونْ مَعَايَهْ فِي خِدِمْتَهْ فِي كُلَّ أَيَّامْ حَيَاتَهْ فِي الْأَرْض الْأَنْطَاهَا لَيَّهْ الرَّبّ.

الْمُذْنِبْ يَقْدَرْ يِسَوِّي الْعَمَلْ الْفَسِلْ أَلِفْ مَرَّةْ وَ يِعِيشْ يِطَوِّلْ. وَ لَاكِنْ بَيْدَا كُلَ، أَنَا نَعَرِفْ كَدَرْ الْإِنْسَانْ الْيَخَافْ مِنْ الرَّبّ يَلْقَى الْخَيْر أَشَانْ هُو خَايِفْ قِدَّامَهْ.

أَشَانْ لِكُلَّ شَيّءْ فِي وَكِتْ مُنَاسِبْ وَ فِي وَكِتْ لِلشَّرِيعَةْ. أَيْوَى، فَسَالَةْ الْإِنْسَانْ تَبْقَى خَطِيرَةْ لَيَّهْ هُو.

مَا فِي أَيِّ إِنْسَانْ يَقْدَرْ يَكْرُبْ رُوحَهْ وَ لَا إِنْسَانْ الْعِنْدَهْ قُدْرَةْ فِي يَوْم مَوْتَهْ. مَا فِي إِنْسَانْ عِنْدَهْ حَقّ يَمْرُقْ مِنْ الْحَرِبْ وَ الْفَسَالَةْ مَا يِنَجِّي سِيدْهَا.

الْعِقَابْ مَا يِنَّفَّذْ عَجَلَةْ فِي الْعَمَلْ الْفَسِلْ. وَ بَيْدَا، قَلْب الْإِنْسَانْ فِي دَاخِلَهْ مَلَانْ بِنِيَّةْ هَنَا سَوِّيِّنْ الْفَسَالَةْ.

فِي الْأَرْض، فِيَّهْ شَيّءْ الزَّايِلْ سَاكِتْ وَ دَاهُو الشَّيّءْ دَا. فِي نَاسْ صَالِحِينْ، يِعَامُلُوهُمْ مِثِلْ يِعَامُلُوا الْفَسْلِينْ. وَ فِي نَاسْ فَسْلِينْ، يِعَامُلُوهُمْ مِثِلْ يِعَامُلُوا الصَّالِحِينْ. وَ أَنَا قُلْت بَتَّانْ: «دَا كُلَ زَايِلْ سَاكِتْ.»

أَشَانْ هُو مَا يَعَرِفْ الشَّيّءْ الْيُكُونْ. وَ يَاتُو يَقْدَرْ يُقُولْ لَيَّهْ يَبْقَى مِثِلْ دَا وَلَّا دَا؟