Popular Bible Verses from جامِعة 5

Share

مَا تِسَّعْجَلْ فِي كَلَامَكْ وَ خَلِّي كَلَامْ قَلْبَكْ مَا يَمْرُقْ عَجَلَةْ قِدَّامْ الرَّبّ. أَشَانْ الرَّبّ قَاعِدْ فِي السَّمَاءْ وَ إِنْتَ قَاعِدْ فِي الْأَرْض. وَ فِي شَانْ دَا، خَلِّي كَلَامَكْ مَا يَبْقَى كَتِيرْ.

وَ مِثِلْ دَا، وَكِتْ الرَّبّ أَنْطَى نَادُمْ مَالْ وَ غُنَى الْبَيْهُمْ هُو يِعِيشْ، هُو يَقْدَرْ يَلْقَى مِنْهُمْ قِسْمَهْ وَ يِتْمَتَّعْ بِخِدِمْتَهْ. وَ دِي هَدِيَّةْ مِنْ الرَّبّ.

الْيِحِبّ الْقُرُسْ مَا يَشْبَعْ مِنَّهْ وَ الْيِحِبّ الْغُنَى مَا يَكْسَبْ. وَ دَا كُلَ زَايِلْ سَاكِتْ.

أَحْفَضْ نَفْسَكْ، وَكِتْ تَمْشِي فِي بَيْت اللّٰهْ. قَرِّبْ لِتَسْمَعْ، دَا أَخَيْر مِنْ تِقَدِّمْ ضَحِيَّةْ الْمَطَامِيسْ. أَشَانْ هُمَّنْ مَا يَعَرْفُوا كَدَرْ قَاعِدِينْ يِسَوُّوا الْفَسَالَةْ.

وَكِتْ تِسَوِّي نَذِرْ لِلرَّبّ، مَا تِأَخِّرْ لِتِتِمَّهْ. أَشَانْ الرَّبّ مَا يَرْضَى بِالْمَطَامِيسْ. خَلَاصْ، حَقِّقْ كُلَّ نَذْرَكْ السَّوَّيْتَهْ.

أَخَيْر لَيْك مَا تِسَوِّي نَذِرْ مِنْ تِسَوِّيهْ وَ مَا تِحَقِّقَهْ.

نَوْم الْخَدَّامْ حَلُو لَيَّهْ، كَنْ يَاكُلْ كَتِيرْ وَ لَا شِيَّةْ كُلَ. وَ لَاكِنْ هَمّ الْغُنَى يَدْحَرْ النَّوْم.

وَ مِثِلْ مَرَقْ مِنْ بَطُنْ أَمَّهْ عَرْيَانْ، يَمْشِي فِي الْقَبُرْ عَرْيَانْ. وَ مِنْ كُلَّ خِدِمْتَهْ مَا يَلْقَى شَيّءْ يِوَدِّيهْ مَعَايَهْ.