Popular Bible Verses from Levítico 19

Share

Mi'n tz'aj cyk'o'ne t-xel mya ba'n cyi'j cyxjalile ka at jun mya ba'n ma cybincha cyi'je, ex mya cucx tu'n t-xi cyc'u'ne k'oj tuj cyanmiye cyi'j. Nok o'cx cyc'ujlame ke cyuc'ile ic tza'nx cyeye in cyc'ujlan cyibe. Akine Cymane.

Mi'n baj cykesune cyximlale nok tu'n tlaj jun cyimni, ex mi'n tz'oc cyk'o'ne jun tilbilal ti'j cychibjale. Akine Cymane.

—K'manxa cye tnam xjal aj Israel ke yol lu: Che ocxe xjan, porque weye xjan kine, akine Cymane ex Cydiose.

Mi'n tz'el cyic'une jun cyermaniye tuj cyanmiye; ka at jun mya ba'n ma tbincha jun cyuc'ile, cycawinxe, tu'ntzun mya cyuc'ixe at cyoclene ti'j til.

Mi'n che'xe cyuc'il ke xjal in tzaj cytxco'n cyanmi cyimni; ex mi'n che'xe cyuc'il chman. Mi'n txi cykanine jun cyxjele cye, porque tu'n jlu jacu baj cytz'ilsan cyibe. Akine Cymane ex Cydiose.

Mi'n che si'mine yol cyi'j cyuc'ile cyxol cyxjalile. Mi'n jaw cysi'mine yol ti'j cyuc'ile tu'n tcub byo'n. Akine Cymane.