Popular Bible Verses from 2 Corint 4

Share

Porque myatzun toc kwitze ti'j ju k'ancha'l, atzun toc kwitze ti'j ju minti' k'ancha'l; porque aju k'ancha'l, nok te cab k'ij, atzunju minti' k'ancha'l, te jumajx.

Cyja'tzun, minti' in ko cub numje masque cyja' tbaj tipun kximlale, pero aju kanmiye in tc'mo'n ac'aj tipumal junjun k'ij. Porque aju yajbil keye ja'lo mya nim ex nok te jurat, pero tu'n jlu ctzajel k'o'n jun koclene ma'xix ex te jumajx.

In ko yajlanjtz tuj tcyakil, pero at jatum tu'n kex tu'n ktzokpaj; nim nnic' ki'j, pero at jatum tu'n toc ke' kc'u'j ti'j. In ko jaw lajo'n, pero minti' in ko cyaj colin tu'n Dios; in ko cub xo'n twitz tx'otx', pero minti' in ko naj.

Aju k'inumabl lu atzun ta' kujxi, ako' ic kten ic tza'n c'il, tx'otx' ktx'otx'il, tu'ntzun tel knic' ti'j, ate Dios in tzaj k'onte nimxix kipumal, mya ku'nxke.

Ke xjal lu mya ocslal ke, cyja'tzun ma moẍsanjtz cynabl tu'nju cydios xjal at tuj tk'ijlalil ja'lo, tu'ntzun mi'n tel cynic' ti'j ju spic'un in koptz'aj cyibaj; aju spic'un lu atzun tkanil ba'n ti'j Crist, ex ate Crist tbanilxix ex tilbilal Dios.

Porque tu'n Dios tzaj tma'n tu'n tcub koptz'aj ju spic'un tuj klolj, ex tu'n Dios ma tzaj koptz'aj ju spic'un tuj kanmi, tu'ntzun tel knic' ti'j tza'n tten Dios tu'nju in koptz'aj t-spic'umal ti'j twitz Jesucrist.